344. De s. Guillielmo Archiepiscopo.

1 a. Gaudeat plebs Biturica
Nova proferens cantica,
Nova cordis praeconia.

1 b. Glorietur mundus totus,
Ut acervus conglobatus
Decantet cum melodia.

2 a. Ex nobili prosapia
Et honesta familia

Generatus est Gillelmus.

2 b. Hic praeditus est virtute,
Decoratus sanctitate,

Super omnes magnanimus.

3 a. Archipraesul Bituricus
Verus Dei est amicus,
Electus cum sententia.

3 b. Una vocum fit voluntas
Et consensus aequalitas
Cum summa concordia.

4 a. Bis effectus canonicus

Post haec factus est monachus,
Praesul urbis Bituricae.

4 b. Inter perfectos electus,
Virtutibus adornatus
Honoratur mirifice.

5 a. Videt clerum litigantem
In diversa distrahentem,
Turbatur conscientia ;

5 b. Fugit mundum blandientem,
Plebs invenit latitantem
Cum magna patientia.

6 a. A teneris fugit mundum,
Fugit vanum et obscenum
Et claustrali sub clausura ;

6 b. Claustro clausus et reclusus
Et a mundo est abstrusus,
Refugiens peritura.

7 a. Clarus mundo et celebris
Tamquam lumen in tenebris
Refulget in ecclesia.

7 b. Cleri confundit errores
Neque veretur terrores,
Quos minatur malitia.

8 a. Moderator est ovibus,
Verus custos Dei gregis,
Curam gerens ovium:

8 b. Est in sacris exauditus,
Sanctitate sublimatus
Pro salute omnium,

9 a. Non elatus in honore
Curam gerens in timore;
Plebs miratur Biturica.

9 b. In divinis totus raptus,
Vultum Dei contemplatus
Dona confert pacifica.

10 a. Servat claustri hic rigorem,
Nil retraxit ob honorem
Sicut in observantia.

10 b. Cilicina veste tectus
Super carnem amictus
Vivit in parcimonia.

11a. Iubet corpus hinc transferri,
Cum fratribus sepeliri
Et non in hac ecclesia.

11b. Nec a suis vult abesse,

Sed cum illis semper esse
In aeterna [memoria].

12 a. Plebs amata intrat templum,
Remoratur iuxta bustum
Et cum arta custodia.

12 b. At monachi accedentes,
Contingere non audentes,
Cedunt cum verecundia.

13 a. Omnis sexus omnis aetas,
Quibus inest maturitas
Audit mortem antistitis.

13 b. Fama volat circumquaque
Tarte fluens ex utraque
Per plateas civitatis.

14 a. Et in cunis vagientes

Matres relinquunt infantes
Tota currit vicinia,

14 b. Ad tumulum properantes,
Manus pedes osculantes
Cum magna reverentia.

15 a. Dum convenit totus clerus,
Globus ignis est demissus
Instar stellae coruscantis ;

15 b. Hora fere dimidia
Luce perfusus nimia
Percipit vim sanctitatis.

16 a. Est leprosis munda cutis,
Gressus rectos confert claudis
Et auditum reddit surdis,
Effugantur daemonia;

16 b. Hydropisis propulsatur,
Paralysis mox curatur,
Et debilis sospitatur,
Sanantur animalia.

17 a. O Guillelme, cleri gemma,

Cum praesulum turba summa

In his serva temporibus,

17 b. Dum blanditur prosperitas,

Ne nos frangat adversitas,

In his tantis turbinibus.

18 a. Dum volvitur mundi rota,
Mala premunt insueta,
Nulla vitae stabilitas,

18 b. Tempus vitae constitutum,
Nobis detur post terminum
Sempiterna felicitas.

la. Gaudeat plebs Biturica
Nova proferens cantica,
Sanctorum praeconia.

1b. Adunetur totus clerus,
Christo fidelis et verus
Cantet cum melodia.

2 a. Ex nobili prosapia
Et insigni familia
Generatur Guillermus;

2 b. Hic praeditus est virtute,
Florebat in iuventute
Magnus et magnanimus.

3 a. Canonicus bis effectus,

Post hoc monachus perfectus
Laudatur mirifice:

3 b. Inter multos est electus,
Ad praesulatum provectus
Tunc urbis Bituricae.

4a. Servabat claustri vigorem
Nec laxatur ob honorem,
Ut in observantia ;

4 b. Cilicina veste tectus,
Vilis cultus et abiectus
Vixit in penuria.

5 a. Iubet corpus inhumandum

Et alio transferendum

Ab illa ecclesia,

5 b. Nec a suis vult abesse,
Sed cum illis semper esse
Aeterna memoria.

6 a. Intrat templum plebs armata,
Iuxta bustum remorata
Servat cum custodia ;

6 b. At monachi accedentes,
Contingere non audentes,
Redeunt ad propria.

7 a. Et in cunis vagientes

Matres relinquunt infantes,
Accurrit vicinia,

7b. Ad tumulum properantes,
Manus, pedes osculantes
Magna reverentia.

8a. Ad funus clerus insignis
Veniens descendit ignis
Instar stellae fulgentis ;

8 b. Hora fere dimidia

Resplenduit lux nimia
Super caput iacentis.

9 a. Et leprosi mundabantur,
Mox claudi gradiebantur,
Aures aperiebantur,
Fugantur daemonia.

9 b. Hydropisis propulsatur,
Et paralysis curatur,
Tunc debilis sospitatur,
Sanantur per omnia.

10 a. O Guillelme, cleri gemma,

Qui praesulum factus stemma,
His serva temporibus,

10 b. Dum blanditur prosperitas,
Ne nos frangat adversitas
In tantis turbinibus.

11 a. A terrenis sit remota,

Ubi vita est commota

Et nulla stabilitas ;

11b. Termino nostro transacto
Et curuli ritae peracto
Donetur felicitas.