323. De sancto Vito.

1. Laudes Deo patri
et filio Iesu Christo
spirituique sancto,

2 a. Cuius dono Vitus,
sanctus puer,
emicuit,

2b.......

3 a. Genere claro
Romano
militiae natus.

3 b. Qui, dum septennis
fuisset
et Christum coleret,

4 a. Mirum dictu, a patre
suo tantillus
multas patitur
iniurias ;

4 b. Verum a praeside
Valeriano

diversis mancipatur
suppliciis.

5 a. Invitus denique
puer patri redditur
tamdiu mulcendus,

5 b. Quousque cymbalis
virginum tinnulis flecti
posset organicis.

6 a. Qui nec ludorum choris
aut epulis
animo fractus
cessit idolis,
sed cultum
superni
regis diligens
mansit immobilis.

6 b. Praesidis manum sanat
aridam,

Hylam privatum
visu illuminat ;
laudanda,
miranda
res et omnibus
gentibus stupenda,

7 a. Quod puer septennis
patrem proprium
contemnit etpoenas despici;

7 b. Et bene septennis,
nam septiformis
plenus spiritus gratia.

8 a. O sancte Vite,
aeternae vitae
consortes nos pie
constitue,

8 b. Qui regis natum
sanas vexatum
potenti virtute
verborum.

9 a. Sed e contra
imperator
recompensat
malum pro bono ;

9 b. Hunc destinat
cruciandum
cum tormento
flammae ardentis,

10 a. Nisi prius consentiret et
tus offerret
idolorum ritu iuxta
morem legis impiorum.

10 b. Hinc ferae proponitur Vitus
devorandus ;
sed leo ut ovis mitis
pedes infantis delinit.

11a. Tandem mandatum tale est
datum, ut puer
in catasta torqueretur

11b. Tamdiu, donec viscera
viderentur ; sic
pn] caeluni pius migravit.

12. Sit Deo, factori nostro.
potestas, victoria,
honor, laus et gloria
in saeculorum saecula.