343. De s. Carlomagiio Rege.

1 a. Gratuletur totus orbis,
Et sollemnis ista nobis
Dies sit laetitiae ;

1 b. Felix ortus, felix partus,
Nunquam talis est auditus,
Nascitur rex Franciae.

2 a. Hic Carolus rex terrenus,
Imperator egregius,
Bellicosus pro populo,

2 b. Totus erat catholicus,
In armis erat strenuus,
Quos servat a periculo.

3 a. Claris ortus natalibus
Carolus, fortis viribus
Et fortior virtutibus,

3 b. Nationes extraneas

Et atroces vicit Turcas
Cum tantis infidelibus.

4 a. Magnanimus imperator,
Qui Gallorum est defensor,
Multa suis conferebat.

4 b. Et barbaros Sarazenos,
Aethiopes, Africanos
Baptizari faciebat.

5 a. Sarazenos, Aethiopes,
Africanos, Arabicos,

Persas vicit atque Turcas,

5 b. Et feroces incredulos
Mutavit in christianos
Legionum tot catervas.

6 a. Enses, tela, gladios,
Exerantes vibrat cultros
Contra hostes infideles ;

6 b. Est devicta barbaries
Et barbarorum rabies,
Et devicit tot acies.

7 a. Egregius imperator,
Exercitus moderator,
Palmam defert victoriae ;

7 b. Mille centenos barbaros
Et feroces Sarazenos
Vicit ductor militiae.

8 a. Nationes barbaricis

Et immites domat Turcas
Armatorum praesidio ;

8 b. Hispaniam, Gallatiam
Commutavit christianam
Cum divino auxilio.

9 a. Prece regis ante Deum
Ruunt statim in profundum
Urbis superba moenia ;

9 b. Tunc pagani perierunt,
Muratas urbes amittunt
Cum tota familia.

10 a. His auditis est commota
Illa terra barbarica,
Sponte facta sub tributo j

10 b. Pollicentur baptizari,

Iubent dona huic offerri
Auro misso cum legato.

11a. Hastae ramis virentibus

Frondent sumptis radicibus,
Decoratae corticibus.

11b. Sed milia quater dena
Morte privantur acerba,
Inseruntur martyribus.

12 a. Sollicite custoditur,
Ab armatis protegitur
Tanto fultus praesidio,

12 b. Protectores et custodes
Et ad caput et ad pedes
Sub noctis silentio.

13 a. Tantis factis excubiis
Quaterdeni in vigiliis
Stant, bis denilaeva, dextra ;

13 b. Quo labore conservatur,
Neve damnum patiatur
Regis vita misera.

14 a. Sed in somnis apparuit,
Mundare locum monuit
Ab omni spurcitia.

14 b. Statim iubet rex mundari
Et ibi preces offerri
Cum summa reverentia.

15 a. Venerandus Iacobus,
Hispaniae apostolus,

ARgem monet et hortatur ;

15 b. Sepulturae mundant locum,
Peregrinis dant aditum,
Ubi sanctus deprecatur.

16 a. De peccato perpetrato,
Ne fieret in aperto,

Fundit preces Aegidius;

16 b. Dicens esse condonatum
Et ex toto iam remissum
De caelo venit nuntius.

17 a. Dum pro rege supplicatur,

Quo commisso premebatur,

Precibus sancti solvitur ;

17 b. Impetravit, quod optabat,
Scelus istud confundebat,
Quod in Deum admittitur.

18 a. Quod fateri rex veretur
Scelus, scire promeretur ;
Christus ei revelavit
Scelus, quod rex perpetravit.

18 b. Nam altari dum astaret
Dumque missam celebraret,
De supernis carta missa
Regis pandit huic commissa.

19 a. Hic horrendae rei reum
Videns crimen apud Deum

19 b. Iam pro rege supplex orat,
Cuius culpam non ignorat.

20 a. Nepos Rolandus moritur
Et lanceis configitur
Vera Christi victima.

20 b. Propagator tunc fidei

Semper egit causam Dei,
Caelos conscendit anima.

21a. O Carole bellicose,

Huius vitae tenebrosae
Pertimemus pericula ;

21b. Fortes simus in adversis
Et humiles in prosperis
Per vitae curricula.

22 a. Post labores et sudores,
Post conflictus pretiosam
Resolutus est in mortem;

22 b. Ubi tandem cum beatis
Et in regno deitatis
Lucem videt sempiternam.

23 a. Cui rex regum regens mundum
Regnum donavit terrenum
In hoc vitae stadio,

23 b. Et de regno temporali

Hunc in regno triumphali
Sublimavit solio.

24 a. Ubi non vita mortalis,
Sed ibi vita vitalis,
Ubi reges coronantur,

24 b. Ubi secura requies,
Ubi sine nocte dies,
Ubi duces laureantur.