336. De Praesentatione B.M.V.

1 a. Adunetur totus chorus

Et multorum sit concentus
In laudis praeconium.

1 b. Virgo, templum trinitatis,
Sacrarium deitatis,
Nobile triclinium,

2 a. Consecratur et effertur
Et in templo dedicatur
Virgo sancta in hac die.

2b. Cui debetur honor, virtus,
Humi iacet, sicut nardus,
Mater pacis, clementiae.

3 a. Anna mater parit gnatam,
Post tres annos hanc oblatam
Effert Deo primitias.

3 b. Paranymphus concepturam
Praedicavit, parituram
Post tantas inducias.

4 a. Anna mater post vicenos
Reportavit fructus sanos;
Germinavitsacrum florem.

4 b. Annis Anna parit gnatam,
Gnata profert salvatorem,
Rem miramur inauditam.

5 a. Stirpe nata de regali
Simul et sacerdotali
Duxerat originem ;

5 b. Ipsa namque Deum magnum
Paritura egregium
Regem et pontificem.

6 a. Radix Anna, virga virgo,
Flos est Christusin bocmundo,
Qui natus a principio ;

6 b. Inter natos renascentes,
In hoc mundo vagientes,
Dotatus privilegio.

7 a. Obtulisti fructum ventris
Ultra tempus parientis
Mox in templo deitatis,
Dum habetur triennium.

7 b. Sed se offert et offertur,
Se praesentat, praesentatur,
Praesentata recipitur
In divinum obsequium.

8 a. Temetipsam obtulisti
Atque illi devovisti,
Obsequio subdidisti ;

8 b. Neque satis est in templo,
Nisi sit in corde nostro,
Quem manere praecepisti.

9 a. In aetate puerili

Intrat virgo saepta templi,
Servitura praesentatur.

9 b. Annis tribus iam completis
Statim de domo parentis
Haee puella egreditur.

10 a. Per ter quinos scandit gradus
Et in templum tot ascensus
Parva puella graditur.

10 b. Devovere hanc parentes
In divinis mancipantes,
Statim votum statuitur.

11a. Haec puella scandit templum,
Hoc in altum constitutum
Vera Dei ecclesia.

11b. Veneratur domum Dei,
Efficitur templum Dei
Adhuc in infantia.

12 a. In ascensu demonstratur
Via, per quam ascendatur
Ad caeli palatia.

12 b. Ergo surgat et sequatur
Istam viam, qui moratur
In mundi miseria.

13 a. Ingreditur sanctum templum,
Quae futura Dei templum,
Altissimi, summi regis.

13 b. Intrat templum virginale,
Nunquam visum est aequale,
Quod construxit manus
patris.

14 a. Neque propter flos odorem
Suum, non perdit decorem,
Cum odor emittitur ;

14 b. Neque propter creatorem
Virginitatis candorem
Non perdit, cum nascitur.

15 a. O Maria, mater munda,
A peccato nos emunda,
Gratia tua repleat;

15 b. Munda templum nostri cor-
dis,
Nil rancoris nec livoris
In ipso remaneat.

16 a. In hac die mox tuorum

Munda templa servulorum,
Sint munda habitacula;

16b. Fac, sint corda nostra templa,
Cum sint lata satis ampla,
Sint pura tabernacula.

17 a. Gloriosa virgo, mater,

Tu quae prima, non est alter
Nec aequalis, sed arbiter
Inter Christum et fideles ;

17 b. Vide artus fatiscentes,
Serva servos titubantes
Et in salo fluctuantes,
In pelago navigantes.

18 a. Esto maris nova stella,

Dum conturbat nos procella,

Apud Christum interpella

Pro nobis in periculo.

18 b. Fluctus surgunt magni maris,
Nos conducat stella maris
Ad portum securitatis
Confracto gubernaculo.

19 a. Virgo, mater singularis,
Quanta laude sublimaris,
Quanto fulges praeconio !

19 b. Mox concepta consecratis,
Consecrata praeservaris
Dei fulta auxilio.

20 a. O tu mater creatoris,

Funde preces cunctis horis,
Ut post istud saeculum,

20 b. Post cursum huius laboris
Beatis iungamur choris
Supernorum civium.