Acta Apostolicae Sedis - Commentarium Officiale524

Quae autem his Litteris decrevimus, nunc et in posterum rata et firma

esse volumus, contrariis quibuslibet rebus minime obstantibus.

Datum Romae apud S. Petrum, die duodecimo mensis Octobris, anno

Domini bis millesimo octavo, Pontificatus Nostri quarto.

EGO BENEDICTUS

Catholicae Ecclesiae Episcopus

Marcellus Rossetti, Protonot. Apost.

Loco e Plumbi

In Secret. Status tab., n. 102.851

II

Quibus Beato Bernardo Tolomei Sanctorum honores decernuntur.

BENEDICTUS EPISCOPUS

servus servorum dei

ad perpetuam rei memoriam

« Maiorem hac dilectionem nemo habet, ut animam suam quis ponat pro

amicis suis » (Io 15,13).

Beatus Bernardus Tolomei hanc evangelicam sententiam ex quo tempore

aegrotis inservire coepit, suam peste affectis tradens vitam, penitus induit.

Senae die X mensis Maii anno MCCLXXII ortus, Bernardus apud baptismatis

fontem Ioannis nomen recepit. A sodalibus Ordinis Fratrum Praedicatorum

Senae institutus, a Rodulfo I Asburgensi miles renuntiatus est. Iuridiciali