Congregatio de Causis Sanctorum 583

Komorowski sanationem, qui, postea, optimam habuit valetudinem atque

multos per sequentes annos suetam duxit relationis vitam et maioris momen-

ti administrationis munera exercuit.

Accurate expletis historicis inquisitionibus circa hanc sanationem miram,

apud Curiam Archidioecesanam Cracoviae Inquisitio dioecesana a die 22

mensis Septembris anni 1995 ad diem 29 mensis Februarii anni 1996 est

instructa, cuius iuridica validitas per Decretum diei 25 mensis Octobris anno

1996 a Congregatione de Causis Sanctorum est approbata. Die 21 mensis

Ianuarii anno 2008 singularis Dispensatio Pontificia a tempore miraculi

patrati permisit ut haec sanatio adhiberi canonizationi curandae posset.

Consilium Medicorum Dicasterii in sessione die 23 mensis Aprilis anno 2009

habita, agnovit sanationem directam diuturnamque fuisse atque suetum

usum oculo sinistro redditum esse; quod sub luce scientiae medicae est

inexplicabile. Die 8 mensis Iulii anno 2009 Congressus habitus est peculiaris

Consultorum Theologorum, cuius positivus exitus in Sessione Ordinaria

Patrum Cardinalium et Episcoporum die 29 mensis Septembris anno 2009,

audita sententia Ponentis Causae Excellentissimi Domini Hieronymi Grillo,

Episcopi emeriti Centumcellarum-Tarquiniensis, est confirmatus.

Et in utroque Coetu, sive Consultorum sive Cardinalium et Episcoporum,

positio dubio an de miraculo divinitus patrato constaret responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

beati Stanislai Kazimierczyk, Sacerdotis Professi Ordinis Canonicorum Latera-

nensium, videlicet de celeri, perfecta ac constanti sanatione Domini Petri Komo-

rowski a ''esofalmo acuto doloroso dell'occhio sinistro, in paziente monocolo''.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis