Congregatio de Causis Sanctorum 571

ris, quo vita eius replebatur. Sive cubiculum valetudinarii Taurinensis sive

domesticum habitaculum mutata sunt in sedes consessus, apostolatus et uni-

tatis: ecce illius ecclesia! Clara sese paravit ad extremum occursum cum

Christo, nuptialem vestem seligendo et ritum exsequiarum suarum praeordi-

nando: exoptabat enim ut momentum illud festum fieret in quo nemo flere

posset. Eucharistico pane postremum refecta, adstantes hortata est ut

sequentem funderent invocationem ad Spiritum Sanctum: « Veni, Sancte

Spiritus, et emitte caelitus lucis tuae radium! »; et albescente die 7 mensis

Octobris anno 1990, post noctem valde vexatam, in Domino obdormivit.

Decretum super virtutibus die 3 mensis Iulii anno 2008 editum est.

Ad eius quod attinet beatificationem, Postulatio Causae examini huius

Congregationis de Causis Sanctorum summisit coniectam miram sanationem

iuvenis Andreae Bartole, qui primo mane diei 14 mensis Iunii anno 2001

vomitionem et acutam febrim pati incepit. Valetudo eius citissime in deterius

est delata; febris plurimum auxit et post meridiem Andreas insanire coepit.

Medicus diagnosim fecit de vehementi apparitione signorum clinicorum,

prout sequuntur: hyperpyrexia, pustularum diffusio et sanguinis indicia in

saliva; quamobrem statuit ut patiens in valetudinarium Tergestinum statim

transferretur. Licet curationes sint adhibitae, valetudinis condicio labentibus

horis ulterius gravabatur, eo quod interim novae sunt exortae pathologiae,

ita ut in duorum dierum spatio iuvenis in vitae discrimine versaretur.

Attenta adeo gravi valetudinis condicione, ut exitus prorsus infaustus

videretur, familiares patientis catenam precationum promovere coeperunt a

Domino flagitantes donum sanationis Andreae per intercessionem Venerabi-

lis Servae Dei Clarae Badano. Precationes inceperunt die 17 mensis Iunii

anno 2001, tempore nempe spiritualis secessus sodalium Focularinorum Ia-

nuensium: centum circa personae his choralibus precibus interfuerunt. Inde

ab initio huius incepti, significata sunt indicia quaedam recuperationis infir-

mi, et quinque post diebus subitanea orta est inversio processus clinici, simul

cum mirabili fausta inflexione illius gravissimae complexionis pathologicae et

cum regressione ad normam rerum ad criteria et valores attinentium.

Congruentia chronologica evidens exstat et connexio quoque inter invo-

cationem ad Venerabilem Servam Dei et sanationem Andreae, qui in praesens

bona utitur valetudine ac normalem relationis vitam gerere potest.

Circa huiusmodi sanationem, quae mira iudicata est, apud Curiam dioe-

cesanam Tergestinam a die 19 mensis Aprilis ad diem 29 mensis Septembris

anno 2004 instructa est Inquisitio dioecesana, cuius iuridicam validitatem