Acta Apostolicae Sedis - Commentarium Officiale530

perpensa, Apostolica Nostra potestate constituimus Exarchatum Apostoli-

cum Foederatarum Civitatum Americae Septentrionalis pro christifidelibus

ritus Syro-Malankarensis illic commorantibus. Novam hanc communitatem

obnoxiam facimus Congregationi pro Ecclesiis Orientalibus. Cetera secundum

praescripta canonum Ecclesiarum Orientalium perficiantur. Expleta feliciter

constitutione dicti Exarchatus, ad memoratam Congregationem authenticum

exemplar actus peractae exsecutionis remittatur.

Hanc denique Constitutionem Nostram tam nunc quam in posterum

ratam esse iubemus, contrariis quibuslibet causis minime obsistentibus.

Datum Romae, apud Sanctum Petrum, die decimo quinto mensis Iulii,

anno Domini bismillesimo decimo, Pontificatus Nostri sexto.

e Tharsicius card. Bertone Leonardus card. Sandri

Secretarius Status Congr. pro Ecclesiis Orientalibus Praef.

Franciscus Di Felice, Protonot. Apost.

Laurentius Civili, Protonot. Apost.

Loco e Plumbi

In Secret. Status tab., n. 156.035

III

KARONGANA

In Malavio nova dioecesis constituitur Karongana appellanda.

BENEDICTUS EPISCOPUS

servus servorum dei

ad perpetuam rei memoriam

Quo in Malavio efficacius illorum christifidelium bonum promoveretur et

ideo nova ibidem dioecesis constitueretur, Congregatio pro Gentium Evange-

lizatione, habito favorabili voto Venerabilis Fratris Nicolai Girasoli, Archie-

piscopi titulo Egnatini in Apulia atque Apostolici in Malavio Nuntii, ad

Nos admovit huiusmodi petitionem. Quamobrem, illius Dicasterii precibus

annuentes ac re bene perpensa, de apostolica Nostra auctoritate ea, quae