Coll. III. De religiosa habitatione in eremitoriis

Illi, qui religiose volunt stare in eremitoriis, sint tres aut quatuor ad plus. Duo ex ipsis sint matres et habeant duos filios vel unum ad minus. Illi duo teneant vitam Marthae, et alii duo vitam Mariae Magdalenae. Illi autem, qui tenent vitam Mariae, habeant unum claustrum, et quilibet habeat locum suum, ita quod neque habitent simul neque cubent. Et semper dicant Completorium de die, quando sol revertitur ad occasum. Studeant tenere silentium et dicant horas suas. Surgant ad matutinum et primum quaerant regnum Dei et justitiam ejus. Hora congrua dicant Primam et Tertiam, et post horam Tertiam solvant silentium et possint loqui et ire ad matres suas, et quando placuerit, possint petere ab eis eleemosynam propter amorem Domini Dei sicut pauperes pauperculi. Postea dicant Sextam, Nonam et Vesperas tempore debito. In claustro, ubi morantur, non permittant aliquam personam introire, sed neque ullus ibi comedat. Illi fraires, qui sunt matres, studeant manere remote ab omni persona, ut nemo possit eis loqui. Et isti lilii non loquantur cum aliqua persona, nisi cum matribus suis et custode suo, quando placebit ei visitare ipsos cum benedictione Dei. Filii vero quandoque officium matrum assumant, sicut vicissitudinaliter pro tempore visum fuerit eis disponendum, Qui omnia supradicta studiose et solicite studeant observare.