4. In Visitatione BMV.

In 1. Vesperis.

Antiphonae.

1. Virga Jesse progreditur,

Virum circumdans utero,

Qui sedet a dextris Dei.

2. Matres, virgo et sterilis,

In ventre portant pueros

Collaudantes Dominum.

8. Domum intravit sterilis

Jucunda dicta audiens

Matrem clamantis Domini.

4. Ia ventre fractum deferens

Implevit desiderium

Virgo arcana viscerans.

5. Deus misit verbum suum

Et flavit spiritus ejus

Virginis dona detegens.

Ad. Magnificat

A. Magnificemus Dominum

In cantico virginis,

Quae eructando edidit

Verba secreta spiritus.

Ad Matutinum.

Imitatorium.

Celebrantem mysteria

Christum regem in utero,

Venite adoremus.

In 1. Nocturno.

Antiphonae.

1. Domine Dominus noster,

Quam admirabilis es,

Perfecisti laudes matrum

Atque infantium.

2. Coeli infantes coelitus

Enarrant gloriam Dei

Et opera manuum ejus.

3. Isti sunt generatio

Quacrentium Dominuiu

In loco sancto ejus.

Responsoria.

1. O felix infans intuens

Secreta Christi prodita,

Ventre exsultans protinus

Apprendit mox se intime;

V. Et nos illustret Dominus,

Quem agnoscebat parvulus.

2. Superinfusa gratia

Membra replevit gaudio

Conclusa ventre sterili

Et ad clamandum impulit

Ipsorum sensum sterilem,

Quae mox effecta cernitur

Propheta sancti spiritus,

V. In quo clamemus exsules

Firmari fide sterilis.

3. Maria, mater Domini,

Quid sentiebas spiritu,

Quando imago corporum

Tanta expressit clarius

Vocum, gestus et actuum

Mirifice signatum?

V. Colligant, qui praenoverint

Effectus sancti spiritus.

In 2. Nocturno.

Antiphonae.

1. Eructavit virgo mater

Verbum bonum prophetando,

Se praedicari beatam.

2. Venite et videte,

Quam magna sint opera,

Quae fecit Deus feminis.

3. Habitatio est insons

In te, virgo regia,

Sanctorum lactantium.

Responsoria.

1. O quanta sunt miracula

Absconsa, quae deliciae!

Lucebat lux infantulo,

Quae infra membra tegitur,

Cum arte foimans spiritum,

Quae sunt producta tempore.

V. Ipsa nos formet intime,

Quae dulcem gustum radiat.

2. Si lumen defers, protinus

Clarescent cordis intima

Et ad videndum, coelitus

Quae dulcorabant viscera

Matrum levatis mentibus,

Nostri stupescent oculi.

V. Deum rogamus sobrie,

Sentire festa inclita.

3. Jesu mater depascitur,

Fluctum salutis deferens,

Quo Deus cibat granditer

Matrem prophetae coelitus,

Qui gestit amplo spiritu

Et in materno utero.

V. Recti sumamus spiritum,

Qui rectum facit animum.

In 3. Nocturno.

Antiphonae.

1. Cantemus Deo canticum,

Laetentur coeli et terra,

Qina infanti clarius

Notum se fecit Dominus.

2. Lux orta est justo corde,

Laetpmini, justae matres,

In sanctificatione

Vestra et filioicm.

3. Jubilate in conspectu

Regis filii virginis,

Cantate et exsultate,

Psallite Deo, psallite.

Responsoria.

1. O dulcis festi sanctitas,

Quam fecit ampla caritas

Diffusaque suavitas

Inter personas quatuor,

In quibus est vivacitas

Dispariter donata.

V. Corde cantemus fervida

Pia ipsarum cantica.

2. Jesum factorem omnium

Pia restringunt viscera,

Fontem vitae dulcissimum

Mater apprendit amplius,

Johannes sentit dulciter,

Elisabeth magnifice.

V. Dies solemnis agitur,

Quo fusae sunt deliciae.

3. O Christe, dulce pabulum,

Quam te gustabant invicem

Personae tam mirificae,

Quibus praestabas penitus.

Dona infusa gratia,

Quibus terreris moritur.

V. Grates cantemus Domino,

A quo spectamus avide.

In Laudibus.

Antiphonae.

1. Parata sedes tua est

In utero virgineo,

In quo regnasti, Domine.

2. Servite in laetitia,

Quia suavis Dominus,

Donavit se vati Dei.

3. Deus meus, Deus meus,

Ad te de luce vigilo,

4. Benedicite electae

Et Dei condignae matri

Et prophetae Elisabeth.

5. Juvenes et virgines.

Senes cum junioribus

Laudent nomen Dorcrni.

Ad Benedictus.

A. Hic puer ante propheta,

Quam ejectus ex utero,

Contestatur se sentire

Matris Dei praesentiam ;

Postquam matrem, celebravit

Incarnati mysteria

Coelesli privilegio.

In 2. Vesperis.

Ad Magnificat.

A. Exsultet semen electum

Abrahae, patris fidei,

Cui sanctum repromissum

Mater portans visitavit

Elisabeth pietate,

Qua plene Deus colituv-

In sancta visitatione,

In qua sacrum mysterium

Laete primo conclamatur

Electo tesfmonio.