59. De ss. Nunilone et Allodia.

In 1. Vesperis.
Ad Magnificat.

A. Sit laus magna Dei

festum celebrare diei,
In qua terrores

mundi contemnendo sorores
Utraque sorte pari

virgo martyrque beari,
Ut bene vixerunt,

ita coelica promeruerunt.

Ad Matutinum.

Invitatorium.

'' Regem, sponsum virginum,
Venite adoremus.''

In 1. Nocturno.
Antiphonae.

1. Rex pie Christe,

Festa colentes

Nos Nunilonis

Alodiaeque

Fac adipisci

Gaudia vitae.
2. Dux, via sanctis,

Christe, sororum,

Qui tribuisti,

Nos et earum

Annue votis

Scandere coelum.

3. Plurima pro te,

Christe, sorores

Aspera passae,

Vincula, fustes,

Sic obiere

Te profitentes.
4. Imbuit illas

Gratia Christi,

Vincere cuncta,

Quae mala mundi

Praevaluerunt

Corde fideli.
5. Nostra docebat

Mater hoc unum:

Jura tenenda

Christicolarum,

Non recolenda

Idolatrarum.

6. Mors utriusque
Sancta sororis
Ense paratur,
Janua coeli,
Dum feriuntur,
Panditur illis.

Responsoria.

1. Psallite mente pia

Deum reboajate sophia
Pro meritis aeque

Nunilonis Allodiaeque,

V. Plebs pia laetetur,

qui gaudet, et inde juvetur.

2. Proles egregia,

Nunilo soror et Allodia,
Osea ceu stellae

micuerunt urbe puellae,
V. De patre gentili

et Christi matre fideli.

In 2. Nocturno.
Antiphonae.

1. Virginitatis

Purpureus flos

Fulget in istis

Corpore casto,

Quae interierunt

Sanguine fuso
2. Sors tua felix,

Sancta Nunilo,

Atque sororis

Credere Christo,

Hinc meruisti

Scandere coelos.
3. Nomine Christi

Sanguine fuso

Terrea sprevit

Pectore firmo

Utraque martyr,

Utraque virgo.

4. Judicis ira,
Dum lacerantur,
Non valet ulla,
Ne moveantur,
Roborat illas
Spiritus almus.

5. Multa sorores
Verbera sanctae
Despicientes
Dicere Christum
Non timuere,
Quod Deus esset.

6. Martyrizatis
Olviat tota
Curia coeli,
Suscipit illas
Dulcibus hymnis.

In 3. Nocturno.

Ad Cantica.

A. Ambas quidam apostata
Sorores devotissimas
Exhortabatur maxime,
Christi fidem deserere,
Cui respondit maior:
Si unquam mori potero,
Malo mori pro Domino.

In Laudibus.

Ad Benedictus.

A. O virgines egregiae,
Christi decus militiae,
Vestro nobis martyrio
Culparum sit remissio,
Per vos nos Christi gratia
Perducat ad coelestia.