31. De ss. Facundo et Primitivo.

In 1. Vesperis.

Super Psalmos.

A. Gaudeat ecclesiae

nunc concio tota fidelis,
Concinat haec psalmos
sanctorum nomine Christi.

Ad Magnificat.
A. Hi duo sunt fratres,

quos alvus namque gemellos
Ecclesiae sponso

parturit alma suo,
Ambos carnifices

torquent cruciamine diro,
Mors una Christo
jungit et una fides.

Ad Matutinum.
Invitatorium.
Aethera qui fecit,

terras, pontumque erebum-
que,
Est Deus omnipotens,
orbis quem totus adoret.

In 1. Nocturno.
Antiphonae.
1. Jussa viri fortes

negligunt consulta tyranni,
Sed legem Domini
semper habere volunt.
2. Gens fremit in sanctos

populus meditatur inane,
Sed ridet stultos

Christus in astra sedens.

3. Saevus saeva parat

peccator verbera sanctis,
Quos perfecisti,

perdere, Christe, parat.

Responsoria.

1. Cum Christi populum

crescentem perdere vellet
Gens ignara Dei et

hunc persequeretur ubique,
Atticus est praesul

Gallaecas missus adoras,
Idola compellens

venerari et fana deorum.
V. Cives inde duo

Dei in certamine fortes
Dixerunt, Christum

colere et contemnere divos.

2. Ambo viri audacter

respondent praesidi iniquo:
Tu, miser, es caecus

venerans simulacra deorum ;
V. Hactenus in castris

tulimus si proelia vestris,
Attamen in nostro

servamus pectore Christum.

3. Sancti pro Christo

non timuerunt
Verbera carnificum,

vincula, poenas,
Tormenta et multos

ferre labores;
V. Hi comtemnentes

gaudia mundi
Tradunt pro Domino

corpora morti.

In 2. Nocturno.

Antiplionae.

1. Hi sunt veraces,

mundi nullique nocentes,
Gaudent cum Christo et
atria celsa colunt.

2. Conservat Dominus

sanctos a morte perenni,
Illis ostendens,

quod sequerentur iter.

3. Vera Dei proles

sunt ambo, qui morientes
Pro Christo sacri in
culmina montis eunt.

Responsoria.
1. Caumatis in medio

positos non attigit ignis
Ardens nec fumus

per triduum nocuit,
Angelus in flammas

rorem fundebat ab alto,
Una cum sanctis

carmina dulce canit;
V. Candescenti oleo

sparguntur corpora nuda,
Lampade flammigera
circuituque latus.

2. Judex sanctorum

furibundus gutture calcem
Ardentem immitti

cum felle et jussit acetum,
V, Christicolae intrepidi

potus libamina gustant,
Dulcia melle favo

mage sunt dulcedine versa.
3. Quam benedicta,
quam veneranda
Mors pretiosa

estque beatis
Ante tribunal
cuncta regentis.
V. Felices, quorum

laudes jam coelica narrant
Agmina, gaudendo
cantantpalmasque triumphos.

In 3. Nocturno.
Antiphonae.
1. Vos gaudere decet,

Dominum benedicere, justi,
Canticum et in coelis
pangere dulce novum.

2. Angelus est missus,

de flamma ut liberet illos,
In fornace Deo

laus datur ore trium.

3. Gentibus est fusus

sanctorum sanguis ut unda,
Intumulata avibus
corpora sancta jacent.

Responsoria.
1. Dirus evulsit

digitos et ungues,
Ossium plectio

premit et medullas,
Crura sanctorum

laniat, lacertos,
Cumque torquentur
mage roborantur.
V. Jamque lassatur
cruciando tortor,
Fortius sancti

Dominum fatentur.

2. Vidi purpureo

indutos velamine sanctos,
Qui ex auro et gemmis

gestabant flore corollas,
Monstrantes agno,

pro illo quae vulnera passi.
V. Angelus exclamat:

sunt hi regnantis amici,
Qui proprias agni

stolas in sanguine mundant.
3. Caeduntur saevo

gladio sanctissima colla,
Vertice sublato

linquuntur corpora nuda,
Sanguine, lacte manant,

animae coelisque volarunt;
Has chorus angelicus

secum super aera duxit.

In Laudibus.
Antiphonae.
1. Laudibus exclament

populi cunctique fideles
Sanctorum in festis

narrando gesta virorum.

2. Sunt duo candclae

fulgentes lumine claro,
Lilia sunt ambo
coelisque rubentia flore.

3. O per cuncta viros

fidei fortesque tirones,
Tradere qui aptarunt

pro Christo corpora morti.

4. In medio flammae

benedicunt omnipotenti,
Laudant illaesi

regnantem in saecula patrem.

5. Nos laudare decet,

scimus quos esse beatos,
Quos nunquam cessant
cives laudare superni.

Ad Benedictus.

A. Hos potuit nemo a

Christi disiungere amore,

Ambos una fides,
dilectio fecit amicos,

Passio germanos

et coelorum cohaeredes.

In 2. Vesperis.
Ad Magnificat.

A. O quam felices

portastis ab hoste triumphos !
Ducite nos, petimus,

ubi nos requiescitis almi,
Qui per martyrium

sumpsistis gaudia coeli.