20. In Cathedra S. Petri.

Ad Laudes.
Antiphonae.

1. Ad speciosa limina
templi venerabilis
Toto gressu dissolutus
mendicabat debilis,
Et Petrus oratum ibat
Deo exaudibilis.

2. Videns claudus transeuntem
principem apostolum
Stipem postulat ab eo,

didragma vel obolum,
Vel aliquid larga manu
caritati congruum.

3. Ait Petrus liberalis:
accipe, quod habeo,

Aurum vero vel argentum
nec do nec possideo,

In nomine Jesu Christi
surge, vade, jubeo.

4. Ananias fraude facta
celat agri pretium,

Saphyra furti conscia
concordat mendacium,

Ambo mortis non injustae
subeunt supplicium.

5. Cum probasset Simon magus
signorum potentiam,
Mercari sancti spiritus

temptat auro gratiam,
Hanc Simon Johannis damnat
perversi stultitiam.