69. De sancta Ursula.

In 1. Vesperis.
Super Psalmos.

A. Gaude, felix

coelestis curia,
Virginalis

coeli familia
Ad te venit,

quam ducit Ursula,
De qua cantat

praesens ecclesia.

Ad Magnificat.

A. Gaude, coelum.

novo prodigio,
Virginali

plenum collegio,
Dum de caeno

collecto lilio,

De spina flore,

de luto radio,
Caro vicit

mundum martyrio.

Ad Matutinum.

Invitatorium.

Jesum, reginae virginum
Natum, sponsum et praemium,
Venite adoremus.

In 1. Nocturno.

Antiphonae.

1. O prodigium virtutis,
Dum de rebus tam caducis
Surgit haec victoria.

2. Tunc Goliam vicit David,
Dum de carne triumphavit
Amor vincens omnia.
3. Dum de spina dantur flores,
Contra carnis nostrae mores
Virginalis gloria.

Responsoria.

1. Persuasus rex Anglorum
Regi scribit Britannorum

Petens nato filiae
Maritali fide thorum
Jungi simul, magna morum
Fama motus Ursulae.
V. Haec consensit maritari,
Multas tamen sibi dari
Vult sodales foedere.

2. Gerasina hoc audito,

Regina Siciliae,
De supernis intus, cito

Sociatur Ursulae,
Quam sequuntur Adrianus

Quatuorque filiae,
Cuncta sibi sunt commissa

Intra terram Angliae;
V. Tunc de regnis colliguntur,
Gerasinae transmittuntur

Consodales Ursulae.
3. O quam grata, quam beata,
Felix virgo maritata,

Ursa, regis filia,
Quam rex petit, est mutata,
Fide per hanc multa data

Sunt virginum milia ;

V. Dum ad Christum convertuntur,

Sibi sponsae conjunguntur,

Sunt matris familia.

In 2. Nocturno.
Antiphonae.

1. De natura sic corrupta

Nunquam simul sunt producta
Tot virginum milia.
2. Felix virgo Christo nupta
Carnis faece non seducta,
Sponsa regis filia.

3. Ad coelorum jam praerupta
Sursum coelis est conducta,
Intrat coeli limina.

Responsoria.

1. Postquam Christo foederantur,
Jubet virgo, baptizantur,
Sponsae Dei nominantur,
Cives regis gloriae,
V. Baptizatae praeparantur,
Ut per naves conferantur
In terram Coloniae.
2. Profert mundus
rosas et lilia,
Flores parit

Aegypti vinea,
Dei nutu

producit Anglia
Coeli cives,

coelorum agmina ;
V. Harum prima

est felix Ursula.
Sponsa regis,
regalis filia.

3. Virgo pergit ad beatum
Piomae papam Cyriaeum,

Loca sancta visere,
Qui relinquens tunc papatum
Virginibus comitatum
Praebet Dei munere ;
V. Quem cum ipsis decollatum
Christi ducit ad optatum
Secum semper vivere.

In 3. Nocturno.
Antiphonae.

1. Dum hunc hostis virginalem
Caedit coetum non inanem,
Perpetrat martyrium.
2. In camino passionis
Dum ditantur coeli donis,
Cantant coeli canticum.
3. Tandem laetae cum coronis
Mundo cedunt, dantur choris
Angelorum agminum.

Responsoria.

1. Saul mille,

David decem milia
Dudum cantans

dat Jerosolyma,
Totam felix

haec habet Ursula,
Dum de gente

legit tam perfida,
Goelo mittit

undena milia.
V. Ad has currunt

coelorum agmina,
Laetas ducunt

ad regni gaudia.

2. Pollens fide

morumque gratia
Ornat mundum

coelestis Ursula,
Vicit coelum

palmae victoria,
Intrat victrix

coelorum limina,
Videt felix,

accingit intima,
Secum ducens

undena milia.
V. Disponuntur

in coeli curia
Sub regina

pro regis gloria.

3. O sagena pietatis,

Qua piscaris cuncta gratis

Intrans nostra maria,
Qui jam mentis infuscatis,
Claustris carnis desiccatis

Lucis trabis lilia,
Ad te ducis, auctor pacis,
Sursum locis praeparatis

Haec virginum milia;
V. Nobis tandem hinc vocatis
Mentis claustro collocatis

Mitte, Deus, omnia.

In Laudibus.
Antiphcmae.

1. Adest Ursa

major et minima,
Quae coelorum

attingit media,
Ad quam currunt

undena milia.
2. Haec stat sursum

attingens ultima,
Infra latet,

dum lustrat infima,
Forma justis

nunc ipsis obvia.
3. Haec coelestis sursum lata
Choris tantis est praelata

Virginalis gloriae.

4. Benedicta sic ditata
Intrat coelum coronata
Cum palma victoriae.
5. Angelorum laudes dantur,
Dum hunc coetum admirantur
Supra coelos scandere.

Ad Benedictus.

A. Benedictus triumphator

Hostilis nequitiae,
Legislator et mundator

Carnis immunditiae,
Mentis dator et amator

Mentalis munditiae,
Per has sanctas da, salvator,

Nobis regnum gloriae.

In 2. Vesperis.
Ad Magnificat.

A. Magnam mundo prodigium

Fecit virtus victoriae,
Dum caro vincit gladium

Mensque scelus invidiae,
Per longum cursus stadium

Coetus hujus familiae,
Per durum tam martyrium

Scandit ad regnum gloriae.

Alia.

A. Magnum coelo

resultet gaudium,
Dum de terris
tot gaudet milium

Recepisse

coetum virgineum,
Quem pro Christo

sacrans martyrium
Laetum mittit

ad regni solium.