27. De sancto Eugenio.

In 1. Vesperis.
Super Psalmos.

A. Egregius Eugenius,

Fidus Toleto nuntius,

Christum praedicavit primus.
R. Venerabilis Eugenius,

Dionysii discipulus,

Ductus amore Christi

Coelum tradidit ensi.
V. Hic est vere martyr, qui pro

Christi numine sanguinem

suum fudit. Ad Magnificat.

A. O Eugcni, sacerdos inclitc,
Ad tutelam Toleto tradite,
Eruditae norma vitae,
Subveni gentibus
Supplicibus
Te invocantibus,
Dura leni prece leni,
Da nunc tristibus,
Ut gavisi paradisi
Socientur civibus.

Ad Matutinum.
Invitatorium.
Adoremus Christum regem,
Qui per sanctum Eugenium
Toletum ad suam legem
A ritu traxit gentium.

In 1. Nocturno.
Antiphonae.
1. Toletum in Hispania
Perlatae famae gratia
Merito praepollebat.
2. Heu, tam clara metropolis,
Quo celsior tam pronior
Cultum fovebat idolis.

3. Hanc Christus miserans
Pio praesidio
Foedo servitio
Exemit properans.

Responsoria.
1. Apostolatu Galliae
Suscepto Dionysius,
Vir prudens et egregius,
Tractos de sinu Graeciae
Discipulos

Ad urbes multas sedulus

Destinavit.
V. Nutu divino socios
Secum duxit eximios,
Quos verbi Dei nuntios
Ad urbes multas sedulus

Destinavit.

2. Cives urbis Toletanae,
Ut ceteros potentia
Deprimebant, sic insane
Turpis ritus flagrantia
Aestuabant et instabant
Perurgentes caecas gentes
Ad foeda sacrificia.
V. Fortem athletam fortibus
Christus objecit civibus
Donaturum in gratia.
3. Ut solis radius
Noctem eliminat,
Ita exterminat
Sacer Eugenius
Errorem fumidum
Ritus daemonici,
Dans lumen splendidum
Cultus dominici
Toletanis.
V. Caecos ex invio
In viam dirigit,
Ex evangelio
Salutem porrigit
Malesanis.

In 2. Nocturno.
Antiphonae.
1. O Christi caritas,
Cujus sedulitas
Laudes tibi
Persolvet debitas?

2. Tu parcis hostibus,
Tu poenitentibus
Ut civibus
Piam das gratiam.

3. Fidus nuntius
Eugenius,

Quos daenion hostes fecerat,
Christo servos confoederat.

Responsoria.

1. Toletum jam emerserat
A tenebris erroris,

Jam in lucem prodierat
Doctrina monitoris
Ad cultum redemptoris,

Spirabat, quae foetuerat,
Boni famam odoris ;
V. Fons olim idolatriae

Vigil instabat latriae,

Toti lucerna patriae.

2. Discipulus, qui sedulus
Impleverat, quod coeperat,

Mandatum,
Memor amore tangitur
Patris, a quo legatum
Se reminiscitur.
V. Desiderii

pia flagrantia
Magistri optans

frui praesentia.

3. Vir inclitus
Affectu patrio
Sollicitus
Gregi novitio
Prudens suis determinat
Leges, praelatos ordinat,
Quorum imperio
Ac magisterio
Grex gubernetur subditus.
V. Suspiriis ac fletibus

A Christo comissis ovibus
Doctos pastores destinat.

In 3. Nocturno.

Antiphonae.

1. Carac prolis memoriam
Affectu fovens tenero,
Ad magistrum in Galliam
Gradu se transfert propero.

2. Christo duce Parisius

Vir sanctus propinquaverat,
Ac praesul Dionysius
Martyr coelos conscenderat.

3. Sancti Christus probans votum,
Quem quaerit coelis admotum,
Illi propere
Parat ostendere.

Responsoria.
1. Jam Christi pietas
Sancti laboribus,
Quem tersit pluribus

Mundi varietas,
Finem vult ponere,
Sinens occurrere

Ministros sceleris,
Qui illum propere
Mittunt ad aetheris
Sedes laetas.
V. Magistri gloria
Jam sancto cernitur,
Jam gaudens fruitur
Christi praesentia,
Quae huic gaudia
Dat perennia
Fugans metas.
2. Felix tellus, felix dies,
Quae tam sacris gestis dies,
Unda munda, lacus dignus
Sacrum sancti servat pignus,
Depositum ut positum

Sit redendum,
Nec carnis vitio
Nec aevi spatio
Deterendum.
V. Her coli salus
Repetit pignus,
Latex, ut competit,
Quod tenuit, ut decuit,
Reddidit.
3. Urbs urbium Hispaniac,
Gaude, plaude,
Patronus tuus hodie
Summa laude
Colitur ;
Igitur fidens aude
Sperare, procul dubio
Quod quaevis sub Eugenio
Fiet tibi petitio.
V. O care Deo pontifex,
O gemma praesulum,

Toletanorum opifex,
Hunc rege populum,
Da huic te sedulum.

In Laudibus.
Antiphonae.
1. Ad patrem Dionysium

Translatum corpus praesulis
In patriae praesidium
Claris fulsit miraculis.
2. Nam Atilio dilectus
Regi Pipino,
A medicis neglectus
Nutu divino

Per hunc convaluit.
3. Milio, miles Caroli,
Jussus pagum Dioli

Adire,
Sanus, prout voluit,
Meruit redire.
4. Caeca bis Ebroica,
Caeci parens nata arens

Publica
Voce egregium
Laudat Eugenium.
5. Turonensis miles praedebilis
Ac superbus, vi factus humilis,
Cum his cohors innumerabilis
Hujus insignia
Canunt praeconia.

Ad Benedictus.
A. Alme martyr et insignis,
O Eugeni, qui insignis
Hispaniam et Galliam
Miraculis et signis,
Adesto famulis
Supplicibus et precibus
Fave dignis,
Adversa removens,
Devotos refovens,
Subveniens benignis.

Ad Tertiam.
R. Hodiernae, rex aeterne,
Adesto laetitiae,
Servi tui sancti tui
Interventu et obtentu
Gratiae

Munus capiant,

Ut perveniant

Cum patrono ad supcrnac

Regna patriae.
V. Sint Toleti cives laeti

Hodie
Et ad festum tam honestum

Sobrie conveniant.

In 2. Vesperis.
Ad Magnificat.
O Eugeni,
Pontifex egregie,

Huic adveni
Opifex ccclesiac,
Hodie, quotidie
Te colenti subveni,
Ac Christum praeveni
Et veniae et gratiae
Nobis venam inveni,
Ut copiae
Paradisi gloriae
Munere,
Quo conamur,
Libere perfruamur.