5. In Assumptione BMV.

In 1. Nocturno.

Antiptonae.

1. Immensi regis genitrix et cuncto creantis

Evecta est hodie angelica super agmina cnnuta,
In jubilo vocis solvamus munera laudis.

2. Hac profecto die perpetua virgo Maria
Coelos ascendit terramque perosa reliquit,
Regnat nunc pia cum Christo, Iactamini, quaeso.

3. Filius, ecce, Dei properat occurrere matri,
Collocat in solio super omnia sidera celso
Angelicisque choris praefert super aethera cunctis

In 2. Nocturno.

Antiphonae.

1. Suscipitur mater Christi reginaque mundi
Angelico laetante choro coeloque corrusco,
Unde hujus laeti veneremur festa diei.

2. Si Dominum in sanctis ejus laudare jubemur,
Multo plus sancta coelos migrante Maria,
Gignere quae meruit ipsum, qui cuncta creavit.

3. Mundi regina, perpetua virgo Maria

Assumpta est hodie in coelis, gaudete, fideles,
Laudantes Jesum festivo carmine Christum,

In 3. Nocturno.

Aiitiphonae.

1. Gaudeat ecclesia mundi per climata cuncta,
Praefulget hodie meritis quia virgo Maria,
Mater sancta Dei transcendit culmina coeli.

2. Gaudent, ecce, chori, cives super astra superni,
Mundi reginam secum sumpsisse Mariam,
Nosque hodie tanti celebremus gaudia festi.

3. Ecce Maria super cunctos transcendere coelos

Digna hodie meruit, quae ipsum, qui cuncta creavit,
Virgo Deum genuit, post partum virgo permansit.