6. In Assumptione Beatae V. M.

1 a. Salve, dies gloriosae
Matris Dei, gratiosae
Quando salus redditur.

1 b. Salve tu, flos clericorum,
In hoc loco conventorum
Cuius festum colitur.

2 a. Pompam, famam matris Dei,
Splendorem huius diei
Nemo posset promere ;

2 b. Virtutes de caelo motae
Sunt pro hac hodie totae-
Cum coepit ascendere.

3 a. Natus pro matre descendit
Et cum ipsa mox ascendit
Ad sanctum palatium.

3 b. Et sic est virgo beata
Super choros exaltate
Angelorum omnium.

4 a. Haec pro nobis intercedat,
Ut nos nulla culpa laedat,
Apud suum filium.

4 b. Sine ipsa nil valemus,

Nam in ipsa spem habemus,
Sit nobis praesidium.