6. In Festo Rosarii BMV.

In 1. Vesperis.

Super Psalmos.

A. Imperatrix

coelorum inclita,

Florens rosa

fragrans virtutibus,

Virginali

candore praedita,

Virens germen

saeclis arentibus,

Virga Jesse

radice genita

Pulchra pudoris

ut flos de sentibus.

R. Virgo florens

stirpe Davidiea

Novo more

fructum jam protulit,

Cujus ortum

praesignans mystica

Prophetarum

vox mundo praotulit,

Quem virgo contulit;

V. Felix fructus

ortus ex virgine,

Mundo datus

pro mundi crimine.

Ad Magnificat.

A. O splendor fulgens sideris,

Candore rosa virginum,

Materni consors mundis,

Quorum dignitas nominum

Aeterni jure foederis

Te cunctis praefert hominum ;

Hinc beata prae ceteris

Te concinis post Dominum.

Ad Matutinum.

Imitatorium.

Adsunt floris angelici,

Dei matris solemnia,

Serto laudum multiplici

Jubilct nunc ecclesia.

In 1. Nocturno.

Antiphonae.

Paradisus voluptatis

Est venter virgineus,

Ubi fructus honestatis

Et flos spirat roseus.

Responsoria.

1. O speculum munditiae,

Celsi jubar splendoris,

Summae dono clementiae

Genitrix creatoris,

Geris flos pudicitiae,

Divi florem decoris.

V. Tu spiritus sacrarium,

Tu virtutum rosarium,

Nivei flos candoris.

2. Flos exortus

de ventre virginis

Nostri spinis

pungitur criminis,

Dum pro vita

marcescit honvnis

Utriusque

servans vim gernrrns.

V. Flos de rosa

candens egreditur,

Quae rubore

mortis perfunditur.

3. Stirps generosa Deum

producens Jessea virgo,

Spirat odore sacrac

fecundae virginitatis,

V. AlHciens superos

submittit ad ima radices.

In 2. Nocturno.

Antiphonae.

Candens flos spina pungitur

Calore vernans roseo,

Amoris dum configitur

Spina corde virgineo.

Responsoria.

1. Ventris triticeus

lilio vallatus acervus

floruit intacto

roseo fragrante decore,

V. Flos pariter fructum

sociat partusque pudorem.

2. Semine flos fidei

genitus de virgine Cnristus,

Quem veneranda patrum

senserunt corda praesaga,

Floret mellifluis

fructu rorantibus astris ;

V. Flos generat florem

de flore tempore florum.

3. Florida sanctorum

virgo conserta choreis,

Hortus praeriguus,

paradisus deliciarum,

Haec tibi devotus

celebrat solemnia mundus,

V. Est qui virgo tuis

sanctis redimita coronis.

In 3. Nocturno.

Ad Cantica.

A. Quam pulchra, quam speciosa,

Vernans in deliciis

Virginitatis ut rosa,

Potens in divitiis.

Responsoria.

1. Rosa vernans caritatis,

Plantata in Jericho

Te fons rigat deitatis

Flumine mirifico.

V. ''Quasi flos rosarum in diebus,

vernis et quasi lilia, quae

sunt in transitu aquae.''

Verbeta.

Speciosa plus quam rosa

Jesse virgo floruit,

Cujus florem et odorem

Puer clausus sentiit.

Clausos artus servat partus

Et florem fecunditas,

Regum coetum, senem Iactum

Refovet suavitas.

Post in templo pro exemplo

Odor verbi funditur,

Fossis agris dorsi flagris

Cruor inde profluit,

Et per spinam medicinam

Caput membris influit.

O quam dignum crucis lignum

Lassis fertur humeris,

Rosis quinis de ruinis

Manuum, pedum, lateris.

Ut praedixit, flos revixit

Mortis pulso nubilo,

Super caelos fertur melos

Angelorum jubilo.

Hinc efulsit, quem indulsit

Lux et odor spiritus

Et in thronis Salomonis

Matrem locat coelitus.

Illic vernat flos, ne spernat

Spinas, unde natus est,

Sed florere et transferre

Faciat, quo vectus est.

In Laudibus.

Super Psalmos.

A. Decor florum

praecellens lilia,

Rosa pulchra

per tuum filium,

Ipsi, pia,

nos reconcilia,

Quo fruamur

post hoc exsilium.

Ad Benedictus.

A. Felix virgo

et mater unica,

Expers paris

divino germine,

Candens rosa,

radix deifica,

Sacro florens

perfusa flamine,

Gratiarum

imbre rorificans,

Nos emundans

ab omni crimine.

Ad Horas Antiphonae.

Ad Primam.

Paradisus voluptatis

Est venter virgineus,

Ubi fructus honestatis

Et flos spirat roseus.

Ad Sextam.

Inter spinas lilium

Crescit cum decore,

Parit virgo filium

Servato pudore.

Ad Nonam.

Terram nostram coelitus

Ros inebriavit,

Cum florem divinitus

Christum germinavit.

In 2. Vesperis.

Antiphonae.

1. Lactare, mater inclita,

Fideli constans populo,

Nam festa dudum praestita

Novo patent miraculo.

2. Rosa rubet condicta

Vulnerata caritate,

Pracdilecti languida

Amoris suavitate.

3. Dilecto superinnixa,

Deliciis affluens,

Florens rosa est enixa,

Florem mundo refluens.

4. Tuum per psalterium,

Quo te veneramur,

Justum desiderium

Per te consequamur.

Ad Magnificat.

A. O splendor humilium,

Stella matutina,

Virginale lilium,

Rosa sine spina,

Quae sola post filium

Servas a ruina,

Cum grege fidelium

In patriam mina.