Acta Apostolicae Sedis - Commentarium Officiale528

CONSTITUTIONES APOSTOLICAE

I

SALICENSIS

In Brasilia nova conditur dioecesis Salicensis.

BENEDICTUS EPISCOPUS

servus servorum dei

ad perpetuam rei memoriam

Valde sollicitus de maiore spirituali bono Christifidelium, Venerabilis

Frater Paulus Cardoso da Silva, O. Carm., Episcopus Petrolinensis, audita

Conferentia Nationali Episcoporum Brasiliae, ab hac Apostolica Sede petivit

ut, distracto territorio a circumscriptione ecclesiastica praesertim sua,

nova conderetur dioecesis. Post favens votum Venerabilis Fratris Laurentii

Baldisseri, Archiepiscopi titulo Diocletianensis et in memorata Natione

Apostolici Nuntii, de consilio Congregationis pro Episcopis admotae postu-

lationi animarum saluti valde profuturae libenter concedendum Nos putavi-

mus. Summa igitur Apostolica Nostra potestate sequentia decernimus. A

dioecesi Petrolinensi separamus territorium, prout praesens civili lege

circumscribitur, municipiorum: Salgueiro, Araripina, Bodocó, Cedro, Exu,

Granito, Ipubi, Moreilândia, Ouricuri, Parnamirim, Serrita, Terra Nova,

Trindade et Verdejante; a dioecesi autem Florestensi seiungimus territorium

Cabrobó; atque ex ita distractis duobus territoriis novam constituimus dioe-

cesim Salicensem. Sic conditae dioecesis Salicensis sedem in urbe Salgueiro

ponimus, templumque paroeciale ibi situm, Deo in honorem Sancti Antonii

dicatum, ad gradum ac dignitatem ecclesiae Cathedralis evehimus, in

qua quidem Canonicorum Capitulum, ad iuris normam, iubemus institui.

Praeterea novam dioecesim Salicensem suffraganeam facimus metropolita-

nae Sedi Olindensi et Recifensi eiusque Episcopum metropolitico iuri Archie-

piscopi pro tempore eiusdem metropolitanae Sedis subicimus. Cetera vero

secundum canonicas leges temperentur. Haec omnia perficienda committi-

mus Venerabili Fratri Laurentio Baldisseri, quem diximus, vel, ipso absente,

illi qui curat negotia Sanctae Sedis in Brasilia, eisdem tribuentes necessarias

et opportunas facultates etiam subdelegandi ad effectum de quo agitur,

quemlibet virum in ecclesiastica dignitate constitutum, onere imposito