7. In Decensione BMV.

In 1. Nocturno.

Antiphonae.

1. Ex ore Alfonsi

laudatur virgo Maria,
Cujus munditiam

foedantes conterit hostes.

2. A thalamo egrediens,

sicut agni sponsa refulgens,
Advenit in terras

Alfonsum veste decorans.

3. Tollite nunc vestras,

Toletani, pandite portas,
Gloria quae est coeli,

nunc vestras introit aedes.

In 2. Nocturno.

Antiphonae.

1. Prae gnatis hominum

cunctis speciosior exstat,
Flaminea stola

Domini quem mater adornat.

2. Alma tabernaculum
Toleti sanctificavit,
Dum comitata choris

superum descendit in illud.
3. Es laudanda nimis,

magna es regina polorum,
Quam chorus angelicus
comitans veneratur, honorat.

In 3. Nocturno.
Antiphonae.

1. Ingresso in templum
culturo festa Mariae
Occurrit virgo

turmis stipata polorum.
2. Quae tenet in coelis

solium regina supremum,
Ad terras veniens

Alfonsum veste decorat.
3. Cantica cantemus,

Domini qui intramus in aulam,
Hac nocte in terris
cecinit quia curia coeli.

In Laudibus.

Antiphonae.

1. Ecclesia exsultans

moduletur carmina laudum,
In terras hodie

descendit gloria coeli.

2. Virginitatis honor,

matrum sanctissima mater,
Maxima sunt, celebri

tibi quae famulantibus offers.

3. Veste triumphali

virgo insignivit amatum,
Contra hostes ejus
retulit quiagran detrophacum.

4. Sidereo effulgens

vultu sanctissima virgo
Expulit ex templo

tenebras clarumque reliquit.

5. Toletanum hodie

resonabat carmina templum
Vocibus angelicis,

aderat quia curia coeli.