Acta Francisci Pp. 607

LITTERAE APOSTOLICAE

Venerabili Servo Dei Miroslao Bulešić Beatorum honores decernuntur.

FRANCISCUS PP.

Ad perpetuam rei memoriam. - « Et eritis odio omnibus propter nomen meum; qui autem perseveraverit in finem, hic salvus erit » ( Mt 10, 22).

Servus Dei Miroslaus Bulešić natus est e familia modestae condicionis,

cui tamen solida erant principia christiana, die XIII mensis Maii anno MCMXX

in loco Ćabrunići, in Istria, dioecesis Parentinae et Polensis, hodie intra fi-

nes Croatiae. Adhuc iuvenis, Seminarium interdioecesanum Istriae ingressus

est. Deinde studia Goritiae prosecutus est ac postea Romae, ubi curricula

philosophiae et theologiae apud Pontificiam Universitatem Gregorianam

frequentavit dum commoraretur primum in Seminario Gallico deindeque in

Seminario Lombardo. Die XI mensis Aprilis anno MCMXLIII presbyter ordinatus

est in nativa paroecia Sancti Vincentii atque missus ad paroeciam Baderna

ad ministerium pastorale exercendum. Munus eius nimirum grave exstitit non

tantum ob pastoralia onera, sed potissimum ob aestus et dissentiones, quae

tempore secundi belli universalis diffundebantur, maxime postquam novum

regimen communistarum constitutum est quod vexationes et crudelitates

praesertim adversus Ecclesiam, eius ministros ipsosque fideles fovit. Servus

Dei spirituale solarium et materiale sustentamentum graviter afflictis naviter

contulit. Semper paratus ad sacrificium, frequenter tum apud Germanorum

duces tum apud alias regionis militares potestates ipsemet se exhibuit ut

impediret ne quivis suorum fidelium manuballista occideretur, in carcerem

includeretur vel in campum captivorum constipationis deportaretur. Anno

MCMXLV in paroeciam translatus est, ubi institutioni puerorum iuvenumque se

dedit atque pauperes adiuvit. Mense Septembri anni MCMXLVI alter a rectore et

professor Seminarii Pisini nominatus est. Illo tempore regimen Iugoslavicum,

dictatoriam ob naturam et fortem indolem religioni christianae infestam,

Ecclesiae multas procurabat difficultates, usque ad persecutionem. Plurimi

sacerdotes interfecti sunt vel comprehensi. Politica potestas communistarum

cuncta conabatur facere ut navitatem pastoralem impediret, praesertim con-

firmationis administrationem in paroeciis Istriae. Huiusmodi occasione in

paroecia Lanišće die XXIV mensis Augusti anno MCMXLVII Servus Dei comita-