700 Acta Apostolicae Sedis - Commentarium Officiale

FOROIULIENSIS ac TOLONENSIS

Beatificationis et Canonizationis Servi Dei Iosephi Augusti Arribat Sacerdotis Professi Societatis Sancti Francisci Salesii († 1879-1963)

DECRETUM SUPER VIRTUTIBUS

« Et filius hominis non venit, ut ministraretur ei, sed ut ministraret »

( Mc 10, 45).

Servus Dei Iosephus Augustus Arribat, sacerdos qui nomen professus

est Societari Salesianae, velut evangelicus servus bonus et fidelis, videtur

consuetam vixisse vitam eamque candidam tamquam cuiusvis institutoris.

Quod quidem tam luculenter fecit ut, quamvis ardenter se abscondi cupe-

ret, eius attamen fama sanctitatis divulgaretur omnibus in provinciis in

quibus suam patravit operam. Nam domi Salesianorum, quae « Navarra »

nuncupatur, ubi mortem occubuit, frequenter « sanctus ex valle » appellaba-

tur. Servus igitur Dei est specimen virtutum sodalibus religiosis omnibus,

salesianis potissimum ingenuis, sacerdotibus cunctis qui vacant institutioni

adulescentium eorumque pastorali ministerio.

Hic Servus Dei, quem plerique Augustum appellare solebant, secundo-

genitus inter septem fllios, est ortus in Francogallico pago, qui vulgo dici-

tur Trédou, prope oppidum nuncupatum Aveyron, die 17 mensis Decembris

anno 1879, parentibus agricolis industriosis atque piissimis. Ludo litterario

expleto, licet vehementissime flagraret desiderio sacerdotium ineundi, con-

tinuo tamen operam contulit ad agros colendos. Qui, cum puer famularetur

altari, sane « invidebat » « beatitudini sacerdotum » et, undevicesimum dum-

taxat agens annum, apud magistros Salesianos Massiliae scholas exaudire

superiores potuit. Quo loco citius consuluit quid acturus esset de vita sua

atque deliberavit se Societati Salesianae a Sancto Ioanni Bosco conditae

nomen daturum esse.

Quapropter, anno 1903, ob leges in Gallia congregationibus religiosis

acerbe contrarias, in Italiam est missus ad novitiatum peragendum et stu-

dia doctrinarum complenda. Dein, Augustus, cum habitum ecclesiasticum,

susceptum a Beato Michael Rua, qui fuit primus Ioannis Bosco successor,

induisset, die 25 mensis Martii anno 1905, primam emisit professionem

religiosam ut totum se impenderet vestigiis Christi adhaerendis, tum in