8. Dominicis Diebus.

1 a. Sacrosanctae trinitati
Ac divinae unitati
Hoc die dominico

1 b. Laudem demus et honorem,
Confitentes creatorem
De corde purissimo,

2 a. Creatorem confitentes,
Redemptorem asserentes
Corde, voce, opere.

2 b. Nam haec duo fidem veram
Continent atque sinceram
De Deo et homine.

3 a. Ipsi soli serviamus

Atque ipsum extollamus
Psalmis, hymnis, canticis.

3 b. Proximorum caritate,
Mentis, carnis castitate,
Moribus egregiis.

4 a. Praestet nobis sacrum munus
Deus trinus atque unus
De superna gratia.

4 b. Huius vitae mala fiere,
Post hanc vitam congaudere
In caelesti gloria.