608 Acta Apostolicae Sedis - Commentarium Officiale

batur delegatum Episcopi Tergestini et Iustinopolitani, Reverendum Domi-

num Iacobum Ukmar, sed quidam regiminis officiales minari atque aggredi

coeperunt confirmandorum parentes sicut etiam omnes fideles adstantes.

Contentio magis magisque augebatur, attamen ritus ad finem adductus est.

Parum post manipulus communistarum irruit in canonicam, insaeviendo in

praesentes sacerdotes, maxime in legatum Episcopi et Servum Dei: quorum

primus variis corporis in partibus graviter est vulneratus, alter autem est

verberatus, pluries contra parietes coniectus ac demum cultro occisus. Miros-

laus Bulešić semper conscius fuit fidei suique ministerii causa se in discrimine

versari atque declarabat se paratum esse ad omnia sustinenda, dummodo

Christo suaeque vocationi fidelis maneret. Postrema eius verba, sarcastice

post ab occisore repetita, sunt haec: « Iesu, accipe animam meam ». Vita eius

quidem eminebat alta spiritualitate, pastorali fervore et gratuita caritate,

sicut testatus est usque ad extremum vitae sacrificium. Contra postulationem

matris eius et necessariorum ut sepeliretur in coemeterio nativi sui vici,

communistarum auctoritates decreverunt econtra sepelire eum in coemeterio

loci Lanišće, spe ducti fore ut periretur memoria eius. At sepulcrum eius mox

pro multis discretae et silentiosae orationis locus factum est. Anno MCMLVIII

exuviae eius translatae sunt maxima cum discretione in coemeterium loci

Sancti Vincentii.

Perdurante eius martyrii fama, Polae in Croatia Inquisitio dioecesana

de hac re peracta est. Consultores Historici die XXVI mensis Octobris anno

MMXI, ac deinde Consultores Theologi congregati die XXX mensis Martii

anno MMXII faventem sententiam tulerunt. Patres Cardinales et Episcopi, in

Sessione Ordinaria die XX mensis Novembris eodem anno, mortem Vene-

rabilis Servi Dei verum arbitrati sunt martyrium. Demum Decessor Noster

Benedictus XVI die XX mensis Decembris anno MMXII facultatem dedit ut

Congregatio de Causis Sanctorum Decretum de martyrio promulgaret, ac

deinde statuit ut sollemnis ritus beatificationis Polae in Croatia die XXVIII

mensis Septembris anni MMXIII celebraretur.

Hodie igitur Polae de mandato Nostro Venerabilis Frater Noster Ange-

lus S.R.E. Cardinalis Amato, S.D.B., Praefectus Congregationis de Causis

Sanctorum, textum Litterarum Apostolicarum legit, quibus Nos Venerabilem

Servum Dei Miroslaum Bulešić in Beatorum numerum adscribimus:

Nos, vota Fratris Nostri Dražen Kutleša, Episcopi Parentini et Polensis,

necnon plurimorum aliorum Fratrum in Episcopatu multorumque christi-