9. De sancto Achatio.

In 1. Vesperis.

Ad Magnificat.

A. O milium bis quinque
Constantia martyrum
Caritate laudabilis,
Justorum patientia
Terrore invincibilis,
O prudentia ad bellandum
Fidei inimicos docibilis,
Sicut hodie istorum gloria
In terris claruisti,
Ita et eos proprio
Cruore baptizatos
In coelis coronasti,
Sic ipsorum precibus
Facias assistentes
Divini muneris
Eis a patre promissi
Auxilio congaudere.

Ad Matutinum.
Invitatorium.

Cum cordis hilaritate
Collaudemus Dominum,

In sanctorum solemnitate
Decem milium martyrum.

In 1. Nocturno.
Antiphonae.

1. Adrianus, Antoninus,

Regentes imperium,
Gadarenos, suum minus

Tenentes dominium,
Ut depellant, Apollinus

Adoratur idolum.
2. Simulacra deserentes

Idolorum fugiunt
De triumpho confidentes,

Multi inde pereunt,
Novem mille relinquentes,

Qui redire nesciunt.
3. Fugiunt imperatores

Novem mille strenuos
Relinquentes, quos victores

Fecit et almificos
Virtus Dei et doctores

Omnibus pontificos.

Responsoria.

1. Christo regi fiunt grati
Primicerius, Achatius

Et Eliades beati
Suis cum militibus,

Ab angelo confortati
Crebris visionibus.

V. Ecce, Christum confitentes
Milites strenui
Stant et fidem protestantes
Alumni fortissimi.

2. Immolant idolis agnum

Infideles milites,
Sed terrorem habent magnum

Reges illi divites
Fugientes quam profanum

Deferentes comites.
V. De triumpho desperantes

Non juvantur victima,
Tristes fugat imperantes

Formido celerrima.

In 2. Nocturno.
Antiphonae.

1. Angelus ab eis visus

Sic eos alloquitur:
Ego sum de coelo missus,

Christus adorabitur
A vobis si crucifixus,

Et triumphus dabitur.

2. Quem videntes admirantur
Propter pulchritudinem,
Gadareni superantur
Per mortis voraginem.

3. Gadarenis sic devictis

Ab istis fidelibus
Angelus apparens mitis

Loquitur militibus:
Laudate victorem litis

Gaudii cum vocibus.

Responsoria.

1. Post victoriam ad culmen
Magni montis angelus

Ductis eis ferens lumen
Fulgens in coelestibus;

O beati, quibus numen
Adspicitur coelitus.

V. Coeli aperti cernuntur

Ab his novem milibus,
Septem angeli mittuntur,
Docentur divinitus.

2. Novi duces confortantur

Ab his sanctis angelis,
Instruuntur, innovantur

Doctrinis angelicis,
Multa eis nuntiantur

De suis suppliciis.
V. Gaudent milites instructi

Verbis evangelicis,
Fide Christi sunt imbuti

Et dictis propheticis.

In 3. Nocturno.

Antiphonae.

1. Cumque reges adunati
His auditis nuntiis
Infideles sunt parati

Duobus patriciis
Castra movent inflammati
Minis et suppliciis.

2. His auditis sanctos Dei
Convocat Achatius:
Surgite, o fratres mei,

Oremus attentius,
Omnes enim sumus rei,
Deus est propitius.

3. Vox de coelis intonuit
His sanctis orantibus,

Quos non pavere monuit
Nocentes corporibus:

Ero vobiscum, docuit,
Vestris in conflictibus.

Responsoria.

1. In fide Christi eruditi

Sancti lactantur nimium,

Coelum jam petunt angeli,
Magnum resultant gaudium,

Sed infideles populi
Eos vacant ad proelium.

V. Imperatores aemuli

Contristantur ob taedium,
Luctu gementes flebili
Regum vocant consortium.

2. Sancti vocem audientes

Gaudent magno gaudio,
Laudes Christo persolventes

Parent regis nuntio,
Montem cito deserentes

Supernae spei elogio.
V. Agni mites praesentantur

Nefando consortio,
Reges eos percunctantur,

Quae fuit haec mutatio.

In Laudibus.

Antiphonae.

1. Imperatores acriter

Sanctos Dei jusserunt
Puerique viriliter
Tormenta devicerunt.

2. Nam sanguis de vulneribus
Sanctorum defluebat,
Quo se unguentes manibus,
Oratio haec erat:

3. Fiat nobis sanguis iste
Baptismi mysterium,
Quem pro te fundimus, Christe,
Ob culpae remedium.

4. Vox de coelo mox auditur
Cunctis audientibus:
Vocem vestram exauditur
Deo in coelestibus.

5. Christi fidem profitentes
Affixi patibulis,
De coronis confidentes
Gaudebunt cum angelis.

Ad Benedictus.

A. Scandit coelum

felix exercitus,
Fulget lumen

ostensum coelitus,
Terrae motus

magnus divinitus
Hora nona

fit sui exitus.

In 2. Vesperis.
Ad Magnificat.

A. Gaude, mater

sancta ecclesia,
Digna Deo

dando praeconia,
Et plaude tu

magis, Armenia,
Tuae prolis

nova militia ;
Cantet Christi

tanta familia
Milium bis

quinque solemnia.