10. De sancto Angelo Custode.

In 1. Vesperis.
Super Psalmos.

A. Plaude, regnum,

gaude, Valentia,
Comitata

duce angelico,
Offer Deo

cordis frequentia
Laudes promptas

devoto cantico,
Sed non desis

tu, Catalonia,
Defensata

ense cherubico,
Pange, prome

pro nostro angelo
Invitata

tu, Aragonia.
R. Solis adspersa radiis

Tellus gaudet, ex aetheve
Cum nobis missis angelis

Deus cessat a verbere,
Cuncta succeduut prospere

Sub cura tanti principis.
V. Deus nobis

dedit in vespere
Praesidentem

custodem hominis.

Ad Magnificat.

A. Transit custos

ad vallem flentium,
Dux ad plebem,

princeps ad populum,
Consolatur

luctum gementium,
Gaudent urbes

per suum angelum.

Ad Completorium.

Super Psalmos.

A. O patriarche populi,

Qui curam geris hominum,
Ad te suspirant famuli,

Quos premit culpa criminum,
Funde preces ad Dominum
More custodis angeli.

Ad Nunc dimittis.

A. Christus lapis verus Deus

Supponatur capiti,
Somnus noctis ne sit reus,

Adsit lucta angeli,
Sursum tendant oculi

Ad locum montis Carmeli,
Ubi nil aliud est quam

Domus Dei, porta caeli.

Ad Matutinum.
Invitatorium.

Adsunt custodis angeli
Regni nostri solemnia,

Devotione vigili
Laudes promat ecclesia.

In 1. Nocturno.
Antiphonae.

1. Custos fortis et providus
Datus pro scuto populi,
Quo justus fit intrepidus
Plectit coronam homini.
2. Servat amicitiam
Homini praelatus,
Impetrat munditiam
Angelus beatus.
3. Confidenter agimus
Sub tanto patrono,
Per quem vitam trahimus
De coelesti throno.

Responsoria.

1. Castra movens

per suum angelum
Trahit Deus

subjectum populum,
Nocte portat
accensum cereum.
Per iter devium.

V. Miles insequitur,
Mare dividitur,
Pharao mergitur,
Populus graditur.

2. Timet, tremit
Elias fugiens,
Dormit, adest

custos subveniens,
Cibum affert

somnum excutiens
Et viam dirigens.
V. Surge, mande

et perge protinus,
Montem pete,
haec ait angelus.

3. Viam vitae

pergens diluculo
Vir Tobias

cum lucis angelo,
Manet pater

caecus in clanculo.
Innitens baculo
Magnus in populo.
V. Decoratus

patri reducitur,
Excaecatus

lumini traditur.

In 2. Nocturno.

Antiphonae.

1. In hujus maris fluctibus
Et procellarum flatibus
Exstinguit ensem igneum
Deus per suum angelum.

2. Trahit ad robur animi
Tutela sancti angeli,
Datur virtus conamini
Et venia piaculi.

3. Exardescit

Ira cum gladio,
Expavescit

Rex coram angelo,
Sic tepescit

Pestis in populo.

Responsoria.

1. In fornacis

ligati medio
Sidrach, Misach,

sanctus Abdenago
Descendente

ad ipsos angelo
Irroranrur

dulcore nimio.
V. Torquet flamma

Chaldaeos devorans,
Mulcet sanctos

ad laudem provocans.

2. Pestis devorat populum
Regis David pro scelere,
Furentem videt angelum
Rex ferientem aspere.
V. Ait David:

corde condoleo,
Statim ad haec
parcitur gladio.
3. Dum sequentem Loth expectat
Suadentem angelum
Impellentem mox prospectat

Ad instantem exitum,
Prohibentem, ne tepescat
Intra fines urbium.
V. Trahit secum paucos clamans,
Civitatis culpam damnans
Provocantem Dominum.

In 3. Nocturno.
Antiphonae.

1. Revelavit Deus

grande mysterium
De supernis loquens
per suum angelum.
2. Verba Dei nuntiat
Fidei ad lumen,
Sic a morte revocat
Gladii acumen.
3. Civitatis ostia

Angelus custodit,

Ne subintrent odia,

Murum anteponit.

Responsoria.

1. Scalam videt

tangentem superos
Scandentes et

descendentes angelos
Deum cernit,
cum levat oculos
Jacob innoxios,
V. Sed constringente brachio
Conluctatur cum angelo.

2. O spem miram, quam dedisti

Hanc urbem incolentibus,
Cum angelum statuisti

Praesidentem civibus,
Imple, Deus, quod dixisti

Indulgens peccatoribus.
V. Qui sic mundum dilexisti,

Ut traderetur filius,
Et custodem transmisisti

Dedicatum mortalibus.

In Laudibus.

Antiphonae.

1. Pugil noster angelus
Draconem prostravit,
Concrepemus vocibus,
Dominus regnavit.

2. Offert praesul hostiam,
Sperate in eo,
Ad nostri custodiam,
Jubilate Deo.

3. Te ad laudem excitat
Custos, ne sis reus,
Tecum corde jubilat:
Deus, Deus meus.

4. Alte praeco clamitat:
Ad coelum prospicite,
Et vox de coelo promicat:
Deo benedicite.

5. Tonat in coelestibus:
Omnes properate,
Custos noster angelus,
Dominum laudate.

Ad Benedictus.

A. Praesul, custos,

tutor sanctissime.
Urbem istam

serva tutissime,
Inimicum

pelle fortissime,
Pestem cunctam

sana piissime.

Ad Horas Antiphonae.
Ad Primam.

Audi preces supplicis

Angeli beati,
Confer, Deus, servulis,

Sint immaculati.

Ad Tertiam.

Serva, pastor ovium,
Regni hujus gregem,

Qui per sanctum angelum
Tuam pandis legem.

Ad Sextam.

Fove, quo per angelum

populus profecit,
Qui sequendo invium

In multis defecit.

Ad Nonam.

Plantent mentis hortulum

Tui credibilia
Qui per sanctum angelum

Facis mirabilia.

In 2. Vesperis.

Antiphonae.

1. Adest dies lucidus,

Quo plebs gratulatur,
Aquam movet angelus,
Languidus curatur.

2. Purgat labra calculo
Prophetae tacentis
Deus misso angelo
Ad salutem gentis.

3. Portat pium Lazarum
Ad sinum coetorum
Et coeleste gaudium
Chorus angelorum.

4. Laudant Deum parvuli
Christo adhaerentes,
Horum sancti angeli
Deum sunt videntes.

5. Adstant plures angeli

Thronum circumdantes,
Digna vota populi
Deo praesentantes.

Ad Magnificat.
A. O virtus debilium,

Splendor castitatis,
O ductor humilium,

Decor puritatis,
O princeps nobilium,

Ardor caritatis,
O scala sublimium,
Nos junge beatis.