11. De Omnibus Sanctis.

1 a. Ut sequamur pari zelo
sanctorum vestigia,

1 b. Nobis horum vitam, mores
proponit ecclesia.

2 a. Offert nobis tria: rosam,
violam et lilium,

2 b. Ut ostendat nobis viam
ad caeleste bravium.

3 a. Rosa signat martyres
per colorem rubeum,

3 b. Confessores viola

per florem purpureum,

4 a. Virginalem candidatum
attestatur lilium.

4 b. Per hoc ergo sequi Deum
nos oportet trivium.

5 a. Nos mactet ut martyres
vera patientia,

5 b. Confessores faciat
iugis abstinentia,

6 a. Nos conservet virgines
iugis castimonia,

6 b. Aut lapsos aliquando
firma continentia.

7 a. Adiuvent nos sancti, quorum
colimus sollemnia,

7 b. Ut horum prece possimus
assequi caelestia.