15. De sancta Barbara.

In 1. Vesperis.
Super Psalmos.

A. Salve, virgo mente pura,

Virgo, pudicitiae
Norma, Barbara, quae dura

Obstando spurcitiae
Mundi pertulisti, cura,

Ut in hac tristitiae
Valle fruamur secura

Vita, lux munditiae.

R. Barbara, te petimus,

sic suscipe carmina nostra,
Ut te dante pia

mereamur scandere coelum,
V. Omni nos sorde

mundans, te corde precamur.

Ad Magnificat.

A. Virgo sancta Dei,

succurrere, Barbara, nobis
Auxilio dignare tuo,

quae digna fuisti
Eximiis meritis,

in carne clausa videri
A summo Domino

te confortante frequenter ;
Fac, ut amore tuo

defendat corpora nostra
Fulmine mortifero

Christus dans gaudia vitae.

Ad Matutinum.
Invitatorium.

Ad laudem Domini

surgamus nocte canentes,

Barbara quem martyr
coelesti culmine laudat.

In 1. Nocturno.

Antiphonae.

1. Barbara passa fuit

sub tempore Maximiani,
Nobilis et spernens
mundi. certamina vani.

2. Quae in Nicomedia
civis fuit unica nata
Eximii patris,

vivens Christo quoque grata.
3. Est genitor divesque
Dioscorus nominatus,
Idola qui coluit

sed nobilibus trabeatus.

In 3. Nocturno.
Antiphonae.

1. Est quidam magnus

suo patri forte locutus,
Filius ut dictae

sit natae carne maritus.
2. Quid de te dicis,

dixit pater ipsi puellae,
Uxorem magni

quia quaerunt te fore velle.
3. Respondens virgo:

genitor, me cogere noli,
Nam Domino trino

sum conjux subdita soli.

Verbeta.
Te sanavit et beavit

In aeterna gloria,
Quam sacravit et ditavit

Manus Christi propria.
In coelesti

gaudet curia,
Hanc collaudat

coeli regia.
O Christe, per angelum

des veniam,
Qui vestivit martyrem

eximiam
Et sanavit.

In Laudibus.

Antiphonae.

1. Virgo Dei, munda

lavacri baptismatis unda,
Trino gaudebat

numero, quem corde tenebat.

2. Ut pater hoc scivit,

quod Christum corde colebat,
Arrepto gladio

eam mactare volebat.

3. Quae fugit patrem,

tamen hanc est ipse secutus,
Quam quidam pastor
monstravit non bene tutus.

4. Quem virgo cernens

maledixit cum grege toto,
Sed fuit in statuam
pastor mox cum grege versus.

Ad Benedictus.

A. Post mala martyrii

nudato corpore veste

Angelus hanc Domini

stola candore repleta
Sanam restituit,

quod cernens corde furente
Praeses truncari

jussit caput, et pater ejus
Jussum complevit,

sic sacra morte quievit.

In 2. Vesperis.

Ad Magnificat.

A. Purae lumen castitatis,
Verae flos humilitatis,
Ardore plena caritatis,
Barbara ora pro nobis
Ut simus juncti beatis.