16. De sancta Barbara.

In 1. Vesperis.

Super Psalmos.

A. In sacro solemnio

promamus cantica Christo
Barbarae sanctissimae
celebrantes festa devote.

Ad Magnificat.

A. O felix Nicomedia,
Claris refulgens meritis,
Multa pandens prodigia
Barbarae sacrae virginis,
Quae fulta Christi gratia
Coelorum splendet gaudiis.

Ad Matutinum.

Invitatorium.

Ad laudem Domini

surgamus nocte canentes.

In 1. Nocturno.
Antiphonae.

1. Clauditur in arto

Turris beatissima virgo,
Ne species ejus

Innotescat hominibus ultro.
2. Origenes informavit

Hanc adolescentulam
Et in fide solidavit
Sponsam viri nesciam.
3. In balneo, quod paravit
Dioscorus, vir insanus,
Puellam baptizavit
Senex Valentinianus.

Responsoria.

1. Ob honorem virginis
palatium reparatur
Cum fenestris geminis
perficique mandatur.
V. Praecepit Dioscorus,
genitor puellae,
Suis artificibus
operari sedule.

2. Beata virgo Barbara

lux coeli splendidissima
Spretis carnis spurcitiis
Christi adbaesit vestigiis.
V. Haec est virgo sanctissima
fulta divino munere
Passa multa supplicia.
3. Simulacra intuens
ejus culta genitore
In eadem exspuens
suo verba subdit ore:
V. Confidentes et egentes
nostri fiant similes.

In 2. No cturno.

Antiphonae.

1. Aggreditur patrem

Christi disceptans honorem,
Quo pater audito

cupit ipsam scindere ferro.
2. Virgine rogante

petra, quastat, scinditurante,
Ne famula Christi
deperiret omine tristi.
3. Clauditur in lapide

pia Barbara plena sophiae,
Sed patrem fugiens

capitur post devia quaerens.

Responsoria.

1. Cum a patre quaeritur
per montium abdita,
Statim virgo capitur
a pastore prodita,
Hinc pastor et pecora
Vertuntur in marmora,
V. Pastori et ovibus
maledixit
In monte pascentibus.

2. Spernit pia virgo

simulacris fundere thura,
Hanc praeses nudari
fecit et corpus laniari,

V. Nervis taurinis

caeduntur virginis artus.

3. Carceris in medio

detruditur inclita virgo,
Hanc pavescentem

solatur Christus ab alto:
V. Barbara, ne timeas,

semper mei memor esto.

In 3. Nocturno.

Antiphonae.

1. Post illata verbera ferrea
mallea sunt praeparata,
Brachia dirigunt

necvirginemtangerepossunt.

2. Vulnera sanavit,

sponsam fide solidavit,
Cum choris angelicis

Christus descendit ab astris.
3. Barbara devota

sua gestit promere vota
Sancto sanctorum,
ut det sibi regna polorum.

Responsoria.

1. Caedunt virginem
binis scorpionibus
Suspendunt martyrem
Christi sponsam protinus.
V. Nefandi satellites
Urunt ejus latera
Faculis ardentibus.
2. O felix dies,

qua Barbara rejicit hostes,
Languores pellit,

vitiorum gramina vellit.
V. Corpus nudatur,

sed sursum stola paratur,
Vestibus angelicis

teguntur virginis artus.
3. O pretiosa dies,

mundo venerabilis omni,
Qua Deus ab alto

descendit in carceris antro

Barbaram confortans,
illata vulnera sanans.
V. Barbara, fons morum,

lux cleri, fax miserorum
Fons coelibatus,

nostros absterge reatus.

In Laudibus.

Antiphonae.

1. Virgo decora nimis

spretis mundique ruinis
Mundum hunc refugat,
coelorum agmine regnat.

2. In tot tormentis

conturbatis elementis
In jubilo vocis

haec promsit munia laudis.

3. Clauditur in cella

vigilans prudensque puella,
Gustavit mella,
renuit illata flagella.

4. Virgo decollatur,

diademate mox coronatur,
Christum laudate,
juvenes, hanc semper amate.

Ad Benedictus.

A. Ave sidus martyrum,
Barbara, fons veniae,
Baculum divinum
Templum pudicitiae;
Ave, summi regis cella,
Mirae claritatis stella,
Ave, salus naufragantum
Et portus periclitantum,
Pro nobis Christum exora,
Ut succurrat mortis hora.

In 2. Vesperis.

Ad Magnificat.

O sponsa Christi splendida
Et margarita nitida,
Verum jubar ecclesiae

Et speculum munditiae,
Barbara, lux debilium,
Miserorum refugium,
Cura morbos languentium,

Ora virginis filium,
Ut in terra viventium
Canentes laetis mentibus
Jungamur in coelestibus.