17. De sancto Aegidio.

la. Laus Mariae filio
In patre Aegidio,
Glorioso confessore,

1 b. Qui virtutum radio
Splendet in tripudio
Angelorum in decore.

2 a. Splendet, inquam, cum decore
Quasi Seraphim ardore
Dei fervens plenius,

2 b. Fervens virtutum ardore,
Christum corde, Christum ore
Sonat abundantius.

3 a. Sonat semet abnegando,
Crucem suam baiulando,
Salvatorem imitando,
Relinquendo omnia ;

3 b. Sonat signis coruscando,
Sanitates operando,
Tribulatos liberando
Per terras, per maria.

4 a. Patet hoc in naufragatis,
Patet daemone vexatis
Viduaeque filia ;

4 b. Patet terris fecun datis,
Patet claudis restauratis
In pedum officia.

5 a. Signis tantis declaratus
Coenobitis est praelatus
Et sacerdos consecratus
Exhibet se hostiam ;

5 b. Regis extergens reatus
Caelitus est denotatus,
Quibus erit miseratus,
Consequuntur veniam.

6 a. O Aegidi, pater clare,
Quem pro reis exorare
Designavit
Et firmavit

Superna clementia,

6 b. Tu pro nobis deprecare,
Tu digneris adiuvare,
Ut surgamus
Et tergamus

Perpetrata vitia.

7 a. Dulcis pater et patrone,
In extremo nos agone
Tuere ab hostibus;

7 b. Da nos in confessione
Et cordis contritione
Uniri praesentibus.