17. De sancto Blasio.

In 1. Vesperis,

R. Laudemus nunc in vesperis
Omnes beatum Blasium,
Cum sit dignus honore ;
Regnat quidem in superis
Laudans factorem omnium
Paradisi decore.
V. In sede sedens aetheris
Supernorum civium
Delectatur amore.

Ad Magnificat.

A. O Blasi, gemma praesulum
Ecclesiaeque speculum,

Tu decus medicorum,
Tu piscina languentium
Es ad te confluentium,

Tu spes tribulatorum.
Ut praestes tuis precibus
Nos coeli jungi civibus,

Devote supplicamus,
Unde per laudis tympanum,
Et piae vocis organum

Nos te magnificamus.

Ad Matutinum.
Invitatorium.

Sanctorum regem martyrum
Adoret plebs fidelis,

Qui suum servum Blasium
Locavit jam in caelis.

In 1. Nocturno.

Antiphonae.

1. Christus in evangelio
Manifeste proponit,
Quod aliquis sub modio
Lucernam non reponit.

2. Praemissis verbis Blasius
Intendit mente tota,
In montem pergit ocius,
Sua complevit vota.

3. Multis fulsit virtutibus
Ibidem gloriosus,
Dignis orationibus
Exsistens copiosus.

Responsoria.

1. In Blasii memoria

Nos hodie laetemur,
Danda laudum obsequia

Eique famulemur,
Ut ejus per suffragia

In coelo coronemur ;
V. Abjicientes vitia,
Perquirentes coelestia,

Sic eum veneremur.
2. Dum montis in cacumine

Vir sanctus residebat,
In Jesu Christi nomine

Miraculis fulgebat,
Tam a fera quam homine

Daemones expellebat,

V. Quia sno precamine
Aegrorum medicamini
Devotas intendebat.

3. Agrestes feras jusserat

Tunc praeses congregari,
Cujus turba prodierat

In monte mox venari,
Sic bestias conspexerat
Vicissim consternari ;
V. Ad speluncam ut venerant
Sanctum intraque viderant,
Inceperunt mirari.

In 2. No cturno.

Antiphonae.

1. Stetit Dei servitio

Hic innocens et purus,
Unde coelesti pretio
Perfruitur securus.
2. In terra Gapadociae
Beatus iste degit,
Se ipsum gens Sebastiae
In praesulem elegit.
3. Et se ad montem transferens
Qui dicitur Argei,
Se Deo totum offerens
Cantavit laudes ei.

Responsoria.

1. Confestim turba rediit,
Agricolano retulit,

Quod viderat in monte ;
Praeses vero baec audiit,
Qui pluris ei contulit,

Ut irent pro insonte ;
V. Cum pluribus hic abiit
Et praesuli hunc attulit

Serenum laeta fronte.
2. Praeses blandis sermonibus
Ad se deductum Blasium

Suadere inchoavit,
Quem caedi jussit fustibus,
Ipsius cor eximium

Quia non immutavit,

V. Et ferreis pectinibus
Hunc carminari nimium
Ministris imperavit.
3. Hic post flagella fustium
Et cruciatus pectinum

Est tandem decollatus
Ritum spernens gentilium,
Sic transiit ad Dominum
Hic capite truncatus.
V. Pro rege regum omnium
Conclusit vitae terminum,
Cum quo regnat beatus.

In 3. Nocturno.
Antiphonae.

1. Ad ipsum si contigerit
Aegras feras venire,
Cum sanas eas reddidit,
Nolebant retroire.
2. De Blasii miraculis
Timens Agricolanus,
Ut teneretur vinculis,
Suas transmisit manus.

3. Inflecti nunquam potuit
Vir iste blandimentis,
Magis pro Christo voluit
Corpus dari tormentis.

Responsoria.

1. Nudus hic veste carnea

Trita jam in equuleo
Granum ut nudum palea

Coeli confertur horreo,
De palma gaudens rosea

Cum sacerdotum cuneo,
V. Hujus mundi

sumptus ex area
Coelo fulget

duplici laurea.
2. Oppressos malis Blasius

Sua prece alleviat,
In fidei constantia

Ut ipsos fortes faciat
Et in virtute deica

Sanos eos custodiat.

V. Quos in aetema patria
Regi, qui regit omnia,

Commissos sibi sociat
Perfruituros gloria.

3. O Blasi, nostros gemitus,
Devote quos emittimus

Audire nunc digneris,
Succurre nobis coelitus,
En, tibi nos committimus,
Et ideo teneris ;
V. Te deprecamur penitus,
Salutis opem, petimus,
Conferre ne moreris.

In Laudibus.

Antiphonae.

1. Indutus pulchritudinem,
Indutus fortitudinem

Qui Dominus regnavit,
Praecinxit se et Blasium,
Hodie per martyrium

In coelo collocavit.
2, Omnis terra, nunc Domino
Servite sine termino

Et ei jubilate,
Si cupitis cum Blasio
Coelorum frui bravio

In sempitenitate.

3. Ad te de luce vigilo,
Deus meus, de nihilo

Tu es qui me fecisti,
Qui carnem, mundum spernere,
Diabolum evincere

Jam mihi praestitisti.

4. Benedicamus pariter
Deum patrem similiter

Et filium aeternum
Una cum sancto spiritu
Cum laetae vocis sonitu

Et festum hodiernum.

o. In sanctis ejus Dominum
Laudate, qui est criminum

Nostrorum expiator
Qui propter preces Blasii
Felicis et eximii

Sit nostri miserator.

Ad Benedictus.

A. O Blasi, tu diceris

David alter inclitus,
Gum Goliam viceris

Armis sumptis coelitus;
Tu medicus cum fueris,

Sauciatis vulneribus
Medere salutiferis

Coeli medicaminibus,

In 2. Vesperis.
Ad Magnificat.

A. O palma victoriae,

Palmes verae vitis,
Iter innocentiae,

Velut agnus mitis,
Blasi sacer, hodie

Fac notis contritis
Munus dari veniae

Culpis delinitis.