18. De sancto Blasio.

In 1. Vesperis.

Ad Magnificat.

A. Ave, praesul honestatis,
Martyr magnae sanctitatis,
Sancte Blasi, vir laudanda
Orbe toto praedicande,
Qui das lapsis relevamcn
Et infirmis niedicamen,
Tu pro nobis intercede,
Ut coelesti nos mercede
Ditet Deus cum beatis
Regno suae claritatis.

A d Matutinum.
Imitatorium.

Adoremus unum Deum
atque trinum pariter,

In quo vivit felix martyr
Blasius perenniter.

In 1. Nocturno.

Antiphonae.

1. Celebremus exsultantes
Sancti festa Blasii,
Ut in coelo mereamur
Ejus esse socii.

2. Cujus prece nobis Deus
coeli donet gaudia,
Ut cum ipso perfruamur
paradisi gloria.

3. Hunc genuit virum Dei
dives Cappadocia,
Fitque dono Dei praesul
in urbe Sebastia.

Responsoria.

1. Deo dignus et benignus
Vir fuit egregius,

Almus infans, vir perfectus,
martyr potens Blasius ;

V. Qui juvenis factus

magnos excrevit in actus.

2. Felix martyr pretiose,
Miles Christi gloriose,
Confer nobis relevamen,
Dans aegrotis medicamen;

V. Ablue nostrorum

precibus sordes vitiorum.

3. Deo multos convertebat,
Oberrare quos videbat,
Aegris manus imponebat
Atque sanos faciebat,
Universi, qui videbant
Signa ejus, obstupebant;

V. Adspectantes ejus signa
Loquebantur Deo digna.

In 2. Nocturno.
Antiphonae.

1. Quanta Deus ejus prece
fecit mirabilia,
Saepe vidit atque sentit
fidelis ecclesia.
2. Nam infirmis ejus prece
restauratur sanitas,
Languor fugit atque venit
optata jucunditas.
3. Sancte Blasi, tu pro nobis
preces fande Domino,
Ut possimus exsultare
tecum sine termino.

Responsoria.

1. Videns ad se venientes
pontifex sanctissimus
Deum coeli laudans inde
factus est laetissimus;
V. Christum prope jam sciebat,

Ideoque congaudebat.
2. Sanabat homines,
sanabat bestias,
Depellens ab ipsis
omnes molestias,

Omnibus profuit

ejus oratio,
Nostra sit per eum
in coelis portio ;
V. Orat fervens caritate,
Magna plenus pietate.

3. Martyr gaudet in dolore,
Christi fervet in amore,
In dolore confortatur,
In amore roboratur ;

V. Ejus nobis suffragium
Coeli donet palatium.

In 3. Nocturno.

Antiphonae.

1. Ejus prece mulieri
damnum restituitur,
Pristinaeque sanitati
sanus homo redditur.

2. Laesus spina gratulatur
ipsius suffragio
Pulso ejus cruciatu
ac dolore nimio.

3. Stat securus super undam
felix martyr Blasius,
Deum laudans et exsultans,
jam coronae conscius.

Responsoria.

1. Decoratus praesul sacer

Blasius martyrio
Et in Christi regnat felix

beato consortio,
V. Contulit aeternae

Deus illi gaudia vitae.

2. Praeses nequam fervens ira
Provolvendo secum dira,
Magna plenus rabiei,
Cogitabat virum Dei
Cruciare per tormenta
Et per carnis detrimenta;
Sed rex coeli conservabat
Illum atque roborabat.

V. Tentabat impius
judex egregium
Per tormenta
perdere Blasium.

3. O vir magnae sanctitatis
Et immensae pietatis,
Omnes tibi famulantes
Et te pie venerantes
Ab inferni tempestate
Tua magna potestate
Libera nos, martyr sancte,
Ut possimus Deo dante
Paradisum possidere
Et cum Deo permanere ;

V. Nos tua deprecatio
Christi jangat collegio.

In Laudibus.

Antiphonae.

1. Regnat Deus et cum eo
sanctus regnat Blasius,
Praesul sacer et confessor
et martyr egregius.

2. Jubilando sanctum laudet
omnis terra Blasium,
Quem hodie traxit ad se
Deus per martyrium.

3. Vigilemus et psallamus
Deo summis laudibus,
Qui Blasium sanctum vitae
ditavit honoribus.

4. Benedicant creaturac
plasmatorem omnium,
Per quem nobis sit aeterna
salus et remedium.

5. Laude digna laudent Deum
res omnes in saecula,
Ut det nobis cum Blasio
vitae tabernacula.

Ad Benedictus.
A. Benedictus rex a eternus
qui creavit omnia,
Qui Blasium hac in die

coronavit gloria
Ex hac vita ducens illum

ad coeli fastigia,
Qui nobis regnum vitae det
per ejus suffragia.

Ad Horas Antiphonae.
Ad Primam.
Vultu nitens angelico,
coruscans miraculis,
Ore pio praedicabat

Jesum Christum populis.

Ad Tertiam.
Ut gestorum verax ejus

enarrat historia,
Ejus fide septem fere

baptizantur milia.

Ad Sextam.
O vir Dei, martyr potens,

tuis sanctis precibus
Universis nos emunda

vitiorum sordibus.

Ad Nonam.
In istius sacro festo

proferamus cantica,
Prece cujus nobis pius

det Deus coelestia.

In 2. Vesperis.
Ad Magnificat.
A. Magnificet totus mundus
Christum Dei filium,
Qui hodie sublimavit
pontificem Blasium
Hunc exaltans et collocans

coelo per martyrium,
Cujus prece nos illustret
paradisi gaudium.

Dignam Dei potestatem Laudemus et Blasium,
Cujus miram sanctitatem Facturis naufragium
Lacus nobis manifestat, Dum se sancto sedem praestat?
V. Hoc eventu stupuit

Et natura sua jura Perdidisse timuit.

R. Ferreis disrupta caro pectinibus

Magnum dabat planctum illis fidelibus;
Agebat Blasius immensum gaudium,
Sed nimis lugebat coetus fidelium.

V. Cruore manabat corpus pontificis,
Quem fundebat atrox manus carnificis.

E. Cum orasset vir beatus,
Ad coronam jam vocatus,
Vox de coelis est audita
Ad eundem dicens ita:

V. Quidquid petis, o vir sancte,
Consequeris me donante.

R. Dum furibunda manus pulchros extensa per actus [l.: artus]
Ictibus instaret, vir Blasius talia supplex
Orabat: Miserere mei jam, Christe, roganti[s]

V. Auditur vox digna sibi satis acta [l.: apta] saluti:
Ne metuas, quia sum dulci solamine tecum.

AdminBookmark

AdminBookmark

AdminBookmark

AdminBookmark