19. In Cathedra s. Petri.

Ad Matutinum.
Invitatorium.

Principis ecclesiae

recolentes festa venite,

Christum laudemus
psalmisque illi jubilemus,

Qui Petro ingentis
curam commisit ovilis.

In 1. Nocturno.
Antiphonae.

1. Pontificalis apex

veneratur jure cathedrae,
Quam primum meritis
Petrus conscendit herilis.
2. Hic super excelsae

positus fundamina petrae
Moribus exornans,

humilis quos vita reportat.
3. Antiochena polis,

divino lumine solis
Irradiata, sacrum

decus hoc colit omnis etorbis.

In 2. Nocturno.

Antiphonae.

1. Hujus amore, Deus,

servorum terge reatus,
Ut, tibi qui placuit,
placitos nos reddere possit.

2. Pande tuis coelos,

quos serva, magne sacerdos,
Ne tibi commissos
invadat pestifer agnos.

3. Sidera scansurus

terrisque hinc dona daturus,
Quos sibi elegit,
tibi Christus, Petre, subegit.

In 3. Nocturno.

Antiphonae.

1. Qui regni claves

et curam gestat ovilis
Praesule quoque pio
vitae renovatur origo,

2. Ilnic coeli terraeque Petro
commisit habenas,
Ut reseret clausis

et solvat vincla ligatis.

3. Solve jubente Deo

terrarum, Petre, catenas
Qui facis, ut pateant
coelestia regna beatis.

In Laudibus.

Antiphonae.

1. Summi doctilogi

laudes cantemus ovantes,
Cui fuerat primo
pontificalis honor.

2. In jubilo magni

studeamus psallere Petri,
Pontificis coelicum,
claviger ut meruit,
3. Pervigilat noster

praesul de luce beatus
Petrus et ipse suis
custos inest gregibus.
4. Nunc benedictionis

solvamus carmina dulcis
Pastoris nostri
haec sub honore Petri.

5. Laudis in officio

celebretur summe beato
Cathedrae sessio
pervigilique Petro.

la. Coelestes fores,
quae clausae fuere,
tu pande,

1b. Qui retines cacumen
firmiter in arce
ecclesiae.

2a. Nostrae linguae
cerne carmen,
custos ovilis, Petre,
catervae jam tuae
miserere
clementer, pastor alme.

2b. Mone Christi
bonitatem,
ut audiat affantes,
ac posce sedule,
ut dignetur
parare viam vitae.

3a. Quaerelae nostrae
pro labe
suscipe preces rite,

3b. Te vocitantes
refove
tecum [quoque] conjunge.

4a. Te Petre ductore
placere

4b. Quoque valeamus,
in arce

5a. Christi jube
nos venire

5b. Et pergere
ad aeternae

6. Claritatis introitum.