21. De sancta Afra.

1 a. O quam felix dies iste,

In quo nomen tuum, Christe,
Declaratur dulciter,

1 b. Praesul dignus dum Narcissus
A te caelitus est missus
Augustam feliciter.

2 a. Hic ad Afram dum intrabat,
Impudicum hunc putabat
Colens deam Venerem ;

2 b. Sed vir Dei hanc reduxit
Cum puellis et instruxit
Vera fide celerem.

3 a. Satan cedens clamitabat,
Totis pelli eiulabat
Suis cum sodalibus ;

3 b. Afra crevit cum cognatis
Illustrata veritatis
Luce stans vitalibus.

4. a. Propter Christum concre-
mata
Hinc et palma coronata,
Gaudens nunc perenniter

4 b. In amplexu veri Dei,
Nos attende, nam et rei
Te vocamus iugiter.

5 a. Nunc pro nobis deprecare,

Ne nos mergat fallax mare

Hostis, mundi, corporis,

5 b. Sed post huius finem vitae
Dicat nobis rex ''Venite
''Pace frui aetheris.