21. De ss. Cordula et Candia.

Ad Matutinum.
Invitatorium.

Post festum virginum
psallamus hodie

Laudes ad Dominum
Cordulae et Candiae.

In 1. Nocturno.

Antiphonae.

1. Ex ore lactentium

Et virginum Christi
Cum voce psallentium
Laudem perfecisti.

2. In sponsis virginibus
Sponsas exsultavit,
Quas cum coeli civibus
Sibi copulavit.

3. Pulchra generatio
Est cum caritate
In regis palatio
Fulgens claritate.

In 2. Nocturno.

Antiphonae.

1. Post virginem virgines
Regi offeruntur,
Per quam Deo homines
Fide conjunguntur.

2. Dei tabernaculum
Virgines electae,
Quae mundo spectaculum
Fuerunt effectae.

3. Sacer chorus virginum
Cum Christo laetatur
Per triumphum geminum,
De quo gloriatur.

In 3. Nocturno.

Antiphonae.

1. Thorum in deliciis
Carnis nescierunt,
Attritae suppliciis
Ad sponsum ierunt.

2. Cum palma a martyribus
Sanguine mercatur,
Corona virginibus
Duplex praeparatur.

3. In psalmis et citharis,
Virgines, cantate,
Terrae, ponti et aetheris
Regi sociatae.

In Laudibus.

Antiphonae.

1. Candida virginitas,

roseo perfusa cruore,
Cum Christo regnat,

nunc regio amicta decoro.

2. Corde Deo jubilant

laeto jubilamine sponsi
Sponsae, quem sociant
agmina sancta poli.

3. Corpore de proprio,

de sanguine deque medullis
Multiplici sitiunt,
vi neque fastidiunt.

4. Cantantes pariter,

sociae, benedicite Christo,
Ejus dulcis amor
personet ore pio.

5. Laudant cum cytharis,

concordat Cordula chordis,
Psallit et angelicis
Candia juncta choris.