23. De ss. Cosma et Damiano.

In 1. Vesperis.
Antiphonae.

1. Salutifer languentium,

Genus salvans humanum,
Saluti misit gentium
Cosmain et Damianum.
2. Jota legis summi regis
Ne transirent minimum,
Hi gemelli quoad belli
Finem certabant ultimum.

3. Medentes aegris duplici
Restaurata ruina,
Sanate, sacri medici,
Sacra nos medicina.

4. O mirae sanctitudinis
Viros, de quibus exiit
Virtus sanandi morbos
Cujusque aegritudinis,
Quae daemonia vinciit
Illuminans et orbos.

5. Novas, o sacri gemini,
Laudes libamus vobis,
Vos in conspectu Domini
Interpellate pro nobis.

Ad Magnificat.

A. Sublimi laudum coelicos

Voce pulsate choros,
Cantus velut angelicos

Erumpite sonoros
In martyrum, Christicolae,

Festo solemnitatis,
In quo gaudent coelicolae

Gemellis his beatis.

Ad Matutinum.
Invitatorium.

Sanctorum regem martyrum,

Venite, adoremus,
Plorantes ante Dominum

Interne jubilemus.

In 1. Nocturno.
Antiphonae.

1. Secus aquarum rivulos
Stat vinea justorum,
Producens fructus varios
Post incrementa florum.
2. Sanctorum via recta est
Et iter praeparatum,
Quos via divinorum
Delectat mandatorum.
3. Sub Lysia proconsule
Passi pro Christi nomine
Tormenta pertulerunt,
Suas in agni sanguine
Digni stolas intingere,
Coronas meruerunt.

Responsoria.

1. Sancti tui te, Domine,
Secuti sunt itinere
Prorsus in admirabili,
Dum irent fine stabili,
Ut mari mergerentur ;

In undis meant pedibus,
Ut nautis mergescentibus

Succursum largirentur.
V. Nam in viis deificis

Plus gemini beati
Quam in mundi divitiis

Fuerunt delectati.

2. Sanctorum saecularia
Fides vicit imperia,
Nam, dum tormenta fortia
Contempto ferunt Lysia,
Deposcunt fortiora ;
V. O virtus fide fulgida,
Quae superas supplicia,
Adsis in mortis hora.

3. Stabant gaudenter

hi judicis ante tribunal,
Unanimes mentes

et consona verba gerentes,
Nil metuere minas,

qui volunt vincere poenas,
Immundis mundant

a spiritibus inimicum.
V. Si poena Lysias

ereptus reddere poenas,
O sacri, vobis

studuit, succurrite nobis.

In 2. Nocturno.

Antiphonae.

1. Sancti pro Christo languidis
Aegrotisque medentes
Ambiunt in provinciis
Nil pretii sumentes.

2. Sed Damianus adjuratus

Munusculum dum recipit,
Fit Cosmas valde contristatus

Illudque reddi praecipit,
Vetans amborum funeri
Ne foret unus tumulus.

3. Stolas suas in rubeis
Tersere torcularibus
Hi martyres sacrati,

Nunc regnis in empyreis
Lacti junguntur gressibus
Agni immaculati.

Responsoria.

1. Suum fundentes sanguinem
pretiosum gloriosum
Secuti sunt

martyrem martyres,
Christum Christicolae,
unum gemini
praedicantes
Inque magistri nomine
discipuli miracula
mira sunt operantes.
V. Horum precatu
Reos a reatu
Resolve, Christe,
Nos, quos dies iste
reperit te glorificantes.

2. Suffulti Dei lumine

Laudes psallunt in carcere,
Reducti coram praeside
Hunc arguunt perfidiae,
Mare, flammas terribiles
Hi sancti Dei pugiles

Illaesi transierunt.
V. Stupet tyrannus saeviens

in martyres,
Qui quidem invicti

permanserunt.

3. Sunt exsecrantes

sancti simulacra deorum,
Idola damnantes,

habitacula daemoniorum,
Famine non tantum

verum sed sanguine Christum,
Qui creat et recreat

ac mundum liberat istum,
Esse profitentur.
V. Impudens praeses,

eos dis cur absque pudore
Sacrificare jubes,

quorum stat daemon in ore,
Quique velut pulvis

confringentur?

In 3. Nocturno.

Antiphonae.

1. Si coram hominibus

Tormenta pertulerunt,
Illorum in coelestibus
Spe salvi permanserunt.

2. Sunt ab aeterno lumine
Lumen recipientes,
Qui stabant in certamine
Nil prorsus metuentes,

3. Sub Agni sine macula
Tentorio qui concinunt,
Beati cytharistae,
Jam sua tabernacula
Deo jubente construunt
Hi fortes agonistae.

Responsoria.

1. Saxa ruunt jacta

sanctis fugientia sanctos
Fitque, quod intacta

sacra membra manent, ubi
tantos
Presserant tela viros
adstantes et mulieres.
V. O sancti, rogitate

a nostris jacula votis
Hostilia averti

sicut directa vobis sunt
Tela reversa
In jactatores.

2. Sancti martyres dixerunt:
Tormenta tua non timemus,
Sed ut schemata contemnimus
Fac ergo, quod vis, parati

sumus
Subire cuncta pro nomine Jesu.
V. Nos enim non novimus

Idola vana et caeca ex lapidi-
bus,
Quia verum Deum colimus,
Pro quo tuas minas spernimus.

3. Simul hi sancti martyres,
Superni regis pugiles,
Cosmas et Damianus,

Anthimus et Euprepius
Sanctus atque Leontius,

Occidi quos tyrannus
Ferro procurat gladio,
Jam sunt in summo gaudio

Concives beatorum ;
Coelestes psalteristae
Ludunt et organistae

Inter agni convivia.
V. Fertur chorea rubea

Sponsalem ante thorum.

In Laudibus.
Antiphonae.

1. Sanctorum laetus

sis hodie, inclite coetus,
Nam certaverunt,

vicerunt et meruerunt
Fratres unanimes

coelestes scandere sedes.
2. Amplior aeternae

deitatis gloria crescit
In sanctis hodie,

quos mors dividere nescit.
3. Maluit haec sacrata societas
omnino subire mortem,
Quam fidei sacratae
linquere sortem.
i. Grande peregerunt

sancti certamen, ierunt
Per mare, per flammam,

per vim, per tela, per hostes,
Per lapides ensesque

merentes sanguine palmam.

5. Semper in ore sonabat

eorum laus pia Christi,
Nam psalmos laeti

psallebant, dum cruciati
Torquerentur et ingredientes

et egredientes
Cantica de excelsis

cecinere Deo pia cordis.

Ad Benedictus.

A. Semitam per mirabilem
Secuti Christum martyrem

Hi martyres gemelli,
Illaesi sunt in pelago,
In fumo ludunt igneo,

Stantes in fine belli.

In 2. Vesperis.
Ad Magnificat.

A. Sub fidei constantia

Beatus Cosmas triumphavit,
Pari sanctus adstantia

Se Damianus ordinavit,
Spem immortalem Leontius,
Anthimus et Euprepius

Per fidem armaverunt

Et palmas meruerunt.