24. De ss. Emetcrio et Celedoiiio.

In 1. Vesperis.
Ad Magnificat.
A. De Libani lignis

variis mirabile signis
Rex solium exstruxit

Salomon sedemque paravit,

Christus in ecclesia

quia rex, patris ipse sophia,
Sedem justorum exstruxit

sibi corda virorum,
Utpote nos quorum

festa celebremus eorum.

Ad Matutinum.

Invitatorium.

Christus sanctorum

laudetur honore suorum,

Qui rex cunctorum

Deus est et factor eorum.

In 1. Nocturno.
Antiphonae.

1. Sanctus Emeterius

et frater Celedonius
Christum testatus

coluit vir uterque beatus.
2. Dum fremerent gentes

in sanctos, vera loquentes
Semper erant tuti

de sancto monte locuti.

3. Qui pia sanctorum,

Deus, audis verba tuorum,
Quos tibi vota doces

dare, nostras percipe voces.

Responsoria.

1. Sanctorum Emeterii
Et festum Celedonii
Nostra colat devotio,
Quorum in coelum munera
Divina levat gratia.
V. Nondum damnati

sancti sunt esse probati.
2. Beata est urbs Legio,
Quam suo contubernio
Ornarunt viri incliti,
Renuntiantes Caesari
Tulerunt arma Domini,
V. Fulgentes late

praeclarent nobilitate.

3. Hi viri nobilissimi,
Cum Christianis populis
Instaret persecutio,
Plus decreverunt Domino
Militare quam saeculo,

V. Christum credentes

nec Caesaris arma sequentes.

In 2. Nocturno.

Antiphonae.

1. Qui conservasti

sanctos et magnificasti,
Esto voluntatis

nobis dator et pietatis.

2. Vos exsultantes,

Dominum quoque glorifican-
tes,
Justi, nos laetos

date vestra laude quietos.

3. Te supplex orat,

Pie rex, benedicit, adorat
Plebs pia sanctorum

cantans in honore tuorum.

Responsoria.

1. Viri fortes et strenui,
Regis terrae signiferi,
In Domino confortati,
Linquentes saecularia
Signa sumunt coelestia

V. Divinae legis

coelestis amoreque regis.

2. Non minis, non suppliciis
Nec rerum damno territi,
Credentes unanimiter
Calagurram sunt alacres
Perducti Christi milites,

V. Addicti poenis

et stricti sponte catenis.

3. Miranda Christi bonitas,
Divina plena gratia,
Suos fideles adprobat,
Dum unus sursum annulum,
Alter jecit orarium ;

V. Coepit mirari

populus haec ad astra levari.

In 3. Nocturno.

Antiphonae.

1. Quod, Deus, audivimus,

sanctos bene vincere scimus,
Tu quia virtutes

mandas Jacob atque salutes.

2. Virtus sanctorum,

noster Deus, ipse tuorum,
Nos refove, resera,
depelle pericula saeva.
3. Per te, Deus, gentes

confirmataeque colentes
Mortificatorum

meritis, nos semen eorum.

Responsoria.

1. Sancti coelum adspexerant
Jamque dona obtulerunt,
Mirabantur, qui aderant,
Quod haec eorum munera
Sublata sunt ad aethera;

V. Plebs pia gaudebat,

incredula plebsque stupebat.

2. Quorum fuit oblatio
Grata Deo altissimo,
Sancti percussi gladio
Nacti sunt felicissimum
Vitae aeternae praemium,

V. Grlebis exuti

carnis, sua dona secuti.

3. Emeteri sanctissime,
Celedoni piissime,
Impetrate a Domino,
Ut pius vestri gratia
Ducat nos ad coelestia;

V. Propitium vobis

Christum quoque reddite
nobis.

In Laudibus.

Antiphonae.

1. Virtus est dictus

sanctorum cujus amictus,
Rex pie, nos sedes,

vestis tibi simus et aedes.

2. Terra, memento Deo,

sanctorum tecta trophaeo,
Totius terrae
Domino pia vota referre.

3. Lux Deus aeterna,

vigiles nos luce superna
Fac, te scrutemur

et sanctos ut veneremur,

4. Qui super astra micat

per saecula nos benedicat,
Quem pia sanctorum
benedicit turba suorum.

5. Quem laudat in caelis

sanctorum turba fidelis,
Nos hunc laudemus
et semper glorificemus.

Ad Benedictus.

A. Sanctorum virtus,

Deus Israel, est benedictus,
Qui modo fulgentes,

prius in tenebris residentes,
Nos per eos vere

vult gaudia lucis habere
Per fideique facem

terris infundere pacem.

In 2. Vesp eris.
Ad Magnificat.

A. Magnificemus eum,

qui dat habere trophaeum,
Sanctos defendit

et praemia magna rependit
Quique resistentes

sibi pellit sede potentes,
Exaltat humiles

agonistas atque viriles.