25. De sancta Agatha.

1 a. Christo laudes concinamus,
Nos, qui sanctae celebramus
Agathac sollemnia ;

1 b. Virgo clara stirpe nata,
Mundo placens, Deo grata
Per morum insignia.

2 a. Florens vultus honestate
Et sermouis venustate
Placuit hominibus.

2 b. Sed plus Christo complaceret
Atque bonis praepolleret,
Studuit operibus.

3 a. Huius fama redolebat
Et in cunctis recurrebat

Saeculorum finibus.
Quintianus, servus pecuniae,
Totus studens idololatriae

Suis tribunalibus

3 b. Illam iubet praesentari,
Ut diversis consummari

Possit cruciatibus ;
Sed prius inflectere
Tentat et seducere

Mentem malis artibus.

4 a. Illam ergo deludendam
Sed a vero dimovendam
Tradit Aphrodisiae,

4 b. Sed nec Christum abnegare
Nec consentit violare
lura pudicitiae.

5 a. Eius quippe mens fundata
Et in Christo solidata
Verbis nescit cedere.

5 b. Tunc immitis Quintianus
Diros parat cruciatus
Ac educit carcere.

6 a. Nec terrores nec tormenta
Expavescit insueta
Anhelans martyrium ;

6 b. Per promissa, per terrores
Non nutavit in errores
Pertingens ad bravium.

7 a. Huius verba tamquam umbra,
Velut ventus, velut unda,
Nec tamen inflectitur,

7 b. Mentem habens roboratam
Supra petram solidatam
Nec alluvione teritur.

8 a. Sursum fixam mentem tenens
Nec a Christo est recedens,
Perstat in constantia:

8 b. At profanus Quintianus
Est turbatus ut insanus
Prae cordis insania.

9 a. O impie ac crudelis,
Cur sic manes infidelis?
Ambas mammas amputari
Tuo damno praecepisti.

9 b. Cur sic manes inhumanus,
In feminam infers manus,
Cum tu parvus esses natus,
Quod in matre suxisti?

10 a. Christum mones abnegare
Atque diis sacrificare,
Quos colit gentilitas.

10 b. Virgo deos respuit,
Nec illam deterruit
Poenarum acerbitas.

11 a. In catasta sublevatur,
Et mamilla cruciatur
Amputanda penitus ;

11b. Sed perstat immobilis
Puella praenobilis,
Roborata caelitus.

12 a. Iubet illam mox recludi
Et ieiunam diu trudi
Sub arta custodia ;

12 b. Sed hanc Petrus visitavit
Et mamillas restauravit
Visus nocte media.

13 a. Medicamen et solamen

Christus illae dat ancillae
Praesens in periculis,

13 b. Sed insanus Quintianus

Necdum cedit atque credit
Tot visis miraculis.

14 a. Testas atque prunas dari
Iubet ac mox volutari
Super istis et cremari
Nuda carne virginem.

14 b. O quam dire cruciatur,
Dum hinc testis laniatur,
Inde flammis ustulalur,
Pium spargens sanguinem !

15 a. Non intrabit quippe lucem,
Nisi Christum sequi ducem
Et post eum ferre crucem
Totis optet viribus.

15 b. Virgo, bene tu certasti
Et agonem consummasti,
Esto tandem, quod rogasti,
Cum sanctis spiritibus.

16 a. Gratulantes tuae laudi,
Virgo sancta, nos exaudi
Et in malis constitutos
Huius vitae redde tutos
Per tua suffragia.

16 b. Tu, qui flammas exurentes

Aetnae montis et crepantes

Globos ignis repressisti,

Fac nos coram Christo sisti

Post mundi naufragia.