25. De sancto Ermengaudo.

Ad Matutinum.
Invitatorium.

Christus adoretur,

quod Ermengaudus habetur
Coelitus athleta,

sonet haec in laude dieta.

In 1. Nocturno.
Responsoria.

1. Fulgeat aeterna

praeclara dies hodierna,
Qua Ermengaudi

celebratur transitus omnis,
V. Fiat solemnis,

fiat lux ista perennis.
2. Ad superum thronum

gaude transisse patronum,
Quisquis ad exemplum
Dei petis hoc homo temp-
lum ;
V. Crede, quia vivit

Ermengaudus, quod obivit.
3. Praefuit Urgelli

populo nulloque rebelli,
Jura sacerdotis

tenuit pater ordine votis,
V. Nutritor cleri

simul et defensio veri.

In 2. Nocturno.
R esponsoria.

1. Pastoris nomen

subiens et nominis omen,
Quod dici potuit,
esse pius voluit,
V. Persistens norma

cleri, populi quoque forma.
2. Quamvis exclusum

curabat militis usum
Mensque manebat ei
plena timore Dei,
V. Nobilium more

nimio pollebat honore.

3. Quod peragebat, opus
Barensis pontis adivit,
Et subito lapsus

de culmine pontis obivit,
Quem Deus assumi

voluit tali consummatione;
V. Exuitur membris

in terna luce Novembris.

In 3. Nocturno.
R esponsoria.

1. Hic vir apostolicus,

homo pacis, [plebis] amicus,
Sic obiit morum
praedives, dives honorum,
V. Simplex, adstutus,

Domini praecepta secutus.
2. Si lapis hunc celat,

meritorum fama revelat,
Per quem fit sospes
accurrens debilis hospes,
V. Vere non moritur

justus, si morte praeitur.
3. Omni sermone

populi laudande patrone,
Ermengaude pie,

fac nos sociare Mariae,
V. Cujus praesul eras

vel cujus jussa repleras.

Verbeta.

1. Mater fidelium,

celebrat ecclesia,
Ermengaude, tui
funeris obsequia
2. Quodsi dedit obitum
zabuli invidia,
Te suscepit martyrum
splendida victoria.
3. Quamvis enim gladius
non perfodit viscera,
Palmam tamen martyris
non amisit anima.

4. Ut nos ergo facias
coeli frui patria,
Laude tua resonant
virginis haec atria.