28. De sancta Agnete.

1 a. Turma gaude puellaris,
Nam a rege coronaris
Aureola centesima ;

1 b. Inter nos exsurgit Agnes,

Quae vi claret velut magnes

Haec stirpe nobilissima.

2 a. Urbis quam praefeeti natus,
Adulescens patri gratus,
Amore zelat terreo ;

2 b. Quem cum rebus pretiosis
Sprevit vanis: Non amo-
rosis,
Sed Christo, en, adhaereo.

3 a. Ad luxosa ducta loca
Fuit, foeda haec ut ioca
Perciperet puellula ;

3 b. Sed cum esset clam erepta
Densis et capillis tecta
A sponso suo sponsula,

4 a. Praefocatur adulescens ;
Pater adest tristis amens,
Precatur vitam filio.

4 b. Fusa prece reviviscit,
Viso miro ingemiscit
Eius pater prae gaudio.

5 a. Quidam nihil advertentes,
Ignis struem facientes,
In quam ferri praecipiunt;

5 b. Urens flamma circumstantes

Mox ambussit, vim parantes

Illaesam hanc conspiciunt.

6 a. Ense demum trucidatur,
Eius agon terminatur,
Scandens ad regui solium.

6 b. Clemens virgo, te laudantes

Ut sint tibi conregnanres,

His verum sis auxilium.