29. De sancta Agnete.

1 a. Verbum bonum personemus,
Quo Agnetis adoremus
Vitam, simul commendemus
Triumphum martyrii.

1 b. Haec in flore puerili

Christum mente iam virili
Colens sensu cum subtili
Palmam sperans praemii.

2 a. Haec dura sponsum refutabat,
Patrem eius concitabat,
Ad tormenta se armabat
Fide Christi melius.

2 b. Quando veste spoliatur,
Crine tecta adornatur,
Et per eam suscitatur
Mox praefeeti filius.

3 a. ( um ab igne non crematur
Agnes, fide plebs firmatur,
Mox, ut ipsa decollatur,
Caeli subit atria.

3 b. Supplicamus voce prona,
Sponsa Christi, nobis dona,
Habeamus per te bona
Paradisi gaudia.