CAPUT XIX.

Et est digressu) declarans anadmiam nervorum a septem spondilibus colli

egredientium et ab aliis spondilihus dorsi. Nervi autem qui ex nucha oriuntur, qui per colli vadunt spondiles, octo sunt paria. Primi quidem paris egressio est a duobus foraminibus primae spondilis : sed hoc non nisi in capitis musculis spargitur. Est autem hoc par valde minutum, eo quod et ille locus sit angustus, sicut in anadmia ossium est determinatum.

Secundi autem paris ortus est inter spondilem primam et secundam per foramina quae sunt inter ea, et hoc pluri- mum secundum ramos suos fert sensum iaugendi : transverse enim ascendit, et

ad interiora reflectitur, et super tunicam aurium extrinsecam spargitur : et quod par primum minus facit propter sui parvitatem et brevitatem, propter quae sufficienter expandi non potest et dilatari in locis quae ipsum sequuntur, istud emendat. Quod autem remanet ex hoc pari nervorum quod ad caput non ascendit, vadit ad musculos qui sunt in posterioribus colli, et ad musculum latum, et eis largitur motum.

Paris autem tertii origo est a foraminibus quae sunt inter secundam et tertiam : et uterque nervorum hujus paris, in duos dividitur ramos : et ab uno quidem ramo sparguntur rami, qui sunt in profundo musculorum, qui sunt ibi, et maxime eorum qui movent caput cum collo. Deinde ad spondilium spinas ascendunt, et cum ad eas veniunt, tenentur cum radicibus ipsarum, et postea elevantur ad capita earum, et miscentur cum ligamentis panni cubilibus qui ab auriculis spondilium nascuntur, postea ad partes aurium reflectendo elevantur : et cum ad aures perveniunt, musculos ibi positos movent in bestiis. Ramus autem secundus ad interiora vadit, donec ad musculum latum pervenit : et cum hoc quidem conjunctus, miscetur venae et musculis qui ipsum cooperiunt ut sit fortior : et est etiam quando cum musculis miscetur temporum aliqua pars ejus, et in quibusdam bestiis cum musculis aurium : plurimum tamen suae sparsionis non est nisi in musculis maxillarum.

Quarti vero paris ortus est a foramine quod inter tertiam spondilem et quartam est, et dividitur divisione ejus qui ante ipsum est de quo diximus. Dividitur enim in partem antecedentem et in partem posterius sequentem. Sed pars antecedens est parva, et ideo cum quinto pari miscetur. Quidam tamen dixerunt ab eo ramos penetrare similes telis aranearum extensos super venam suberiam, donec pervenit ad diaphragma, dividentes per duo latera diaphragmatis, ipsum pectus

incidentes et dividentes in duo media pectoris, sicut diximus. Sed quidquid de hoc sit, ejus major pars ad posteriora reflectitur, et in fundo musculorum profundatur, donec vadit ad auriculas spondilium, fit mittit ramos musculis illis qui inter caput et collum sunt communes. Deinde ad inferiora vadit reflectendo, et cum musculis maxillae et aurium continuatur. Dixerunt etiam quidam, quod ab eo ad dorsum descendit ramus quidam .

Quinti autem paris ortus est a foraminibus quae sunt inter spondiles quartam et quintam, et dividitur in duos ramos : unum quidem qui antecedit qui minor est, et pervenit ad musculos maxillarum, et ad musculos qui caput curvant anterius, et ad alios musculos qui capiti et collo sunt communes, Ramus autem secundus in. duos dividitur ramos, quorum unus quidem inter primum et secundum est medius, et pertingit ad spatulae supremum, et miscetur cum eo quoddam sexti et septimi parium, et simul ad medium pentrat diaphragmatis.

Paria vero sextum et septimum et octavum ab aliis secundum ordinem egrediuntur foraminibus. Sed octavi ortus est a foramine communi in lino spondilium colli, et inter primam spondilem dorsi. Et eorum rami vehementer commiscentur : sed plurimum sexti ad spatulae pervenit superficiem : et pars ejus major illa parte quae separatur ex quarto, et minor parte ea quae separatur ex quinto, pertingit ad diaphragma : et plurimum septimi pertingit ad adjutorium, licet quidam ramorum suorum ad musculos capitis et colli et dorsi cum ramis quinti associati pertingant, et etiam ad diaphragma perveniant aliqui eorum. Sed rami octavi post mixtionem et societatem omnes ad. brachium et asseyd pertingunt, et nullus eorum pervenit ad diaphragma. Sed tamen ille qui ex quinto ad. partem manus tendit, non. transit spatulam : et ex septimo non transit ad adjutorium aliquis. Sed ille qui a spatula pervenit ad brachium, estex octavo mixto cum primo ramo qui nascitur ex spondilibus et vadit ad dorsum. Nervi autem isti in diaphragmate densi non fuerunt nisi nervi nuchae : et hoc ideo fuit, quod id quod ad ipsum venit, descenderet ab alto lato,ut eo melius in ipso divideretur : et maxime propter hoc fuit quod id quod primum dirigit eos, est panniculus pectus par medium dividens. Impossibile enim fuit, quod nervi directe ad ipsum a nucha venirent absque inclinatione angulari : et si omnes nervi qui ad diaphragma veniunt a cerebro, protendercntur ipsorum nimis prolongaretur incessus. Nec horum nervorum continuitas facta est cum medio diaphragmatis : non enim conveniens fuit ut spargerentur in diaphragmate secundum aequalitatem, si cum extremitate et non cum medio conjungerentur, aut si. cum tota haberent circuitione : hoc enim esset contrarium viae necessariae. Musculi enim nihil movent nisi cum suis extremitatibus : et ideo illud quod ex diaphragmate movetur, est id quod est circuiens. Oportuit ergo ut in ipso firmarentur nervi, et non in ipso inciperent. Et quia oportuit eos venire ad medium, oportuit ut suspensi penderent. Oportuit igitur ut defenderentur, et panniculis propter munimentum tegerentur. Hac igitur de causa fuerunt tecti panniculis cum munitione defendente panniculi qui eis associatur : et est ille qui pectus per medium partitur, supra quod innixi perrexerunt. Et quia hujusmodi membri operatio nobilis fuit facta, fuerunt nervis ejus principia multa, ne ejus operatio per aliquod destueretur nocumentum, quod principio nervi posset accidere. Ista sunt igitur paria nervorum quae a colli spondilibus exoriuntur : et istae sunt divisiones et sparsiones eorum, et causae propter quas sic diriguntur.

A spondilibus autem pectoris nervi etiam oriuntur. Par enim unum oritur

inter primarii et secundam spondiles petoris, quod in duas dividitur partes. Quae autem major est harum partium, in omnibus musculis spargitur costarum, et in musculis dorsi, et quod remanet, super primas costas extensum procedit, et ab octavo nervorum colli obviat, et simul ad manus protenditur, donec ad adjutorium etspatulam perveniat. Par vero secundum a foramine progreditur, quod praedictum sequitur foramen, cujus pars adjutorii tendit superficiem, dans ei sensum : et ipsius residuum cum aliis paribus quae remanserunt, aggregatur in spatula : qui ad musculos qui super eam sunt positi, descendunt ipsius moventes iuncturam, et pertingunt ad musculos dorsi. Qui igitur ex istis nervis spondilium pectoris oriuntur, et ramis qui adspatulam non protenduntur, ad musculos dorsi vadunt, etad musculos qui sunt inter costas puras sive veras in posterioribus pecdris positas. Qui vero ex spondilibus falsarum nascuntur costarum, ad musculos veniunt qui sunt inter costas, et ad musculos ventris. Adhuc autem cum istorum nervorum ramis arteriae et venae quiete currunt et nucham ingrediuntur per loca unde ipsi egrediuntur.

Nervi autem renum in hoc communicant, quod pars eorum ad dorsi musculos pervenit, et pars ad musculos ventris, et ad musculos qui sunt in dorso expansi. Tria autem superiora paria cum nervis miscentur qui a cerebro descendunt, et nulla alia miscentur cum illis : et duo paria inferiora ad partes crurium multos transmittunt ramos, cum quibus rami tertii paris et rami nervorum primi paris renum miscentur. Sed illi duo rami non transeunt juncturam, sed in ipsius sparguntur musculis. Alii autem os pertranseunt incedentes ad crura.

Nervorum autem pedis et crurium forma a nervis manuum separatur in hoc, quod non omnes conjunguntur et declinant submersi tendendo ad occultum : non enim est forma, continuitatis adjuto- rii cum spatula sicut forma continuitatis coxae cum ancha : neque est ejus continuitas cum origine suorum nervorum sicut continuitas istius cum suorum nervorum origine. Et illi quidem nervi ad partem cruris diversis procedunt itineribus : ct quidam ex eis manifestantur, et quidam subjunguntur sub musculis cooperti. Et quia musculi qui a parte ossis femoris oriuntur, vias ad utrosque pedes non habuerunt a posterioribus corporis, nec ab occulto coxarum, eo quod sunt ibi musculi multi et ossa et venae : factum fuit, ut pars nervorum qui sunt proprii musculorum qui sunt in pedibus, penetraret in viam quae ad testiculos descendit, donec ad musculos pervenit femoris, et descendit ad musculos poplitis. Par autem primum quod oritur ex caudae osse, miscetur cum nervis renum, sicut diximus. Alia vero paria et impar quod ab extremo oritur, in musculis sparguntur ficteris et virgae, et in musculo matricis et vesicae et in panniculis ventris, et in partibus interioribus domestici ossis femoris, et in musculis qui nascuntur ab osse ilii.

Generaliter enim sciendum est, quod triginta et unum paria nervorum a spondilibus oriuntur, et unus solus nervus, qui ab extremitate ossis cauda) oritur : quorum septem a colli spondilibus oriuntur, et unum a spondili prima dorsi et ultima colli, sicut diximus, quae sunt octo. Novem vero alia oriuntur a spondilibus superiorum costarum pectoris, et quinque alia paria oriuntur a spondilibus inferiorum costarum. Tria vero paria nascuntur a tribus ossibus renum, et tria alia a tribus ossibus caudae : quae simul sunt triginta et unum paria. Ab extremo vero puncto foramine caudae oritur unum, quod quia compar non habet, impar vocatur. Septem autem paria a cerebro oriuntur, quae simul sunt triginta et octo paria nervorum, et unus nervus impar. Sunt igitur hominis nervi septem cum septuaginta. Utrum autem nervi isti sic exeant a. cerebro, quod nihil in eis ope-

retur cor, aut exeant ab ipso per cordis opcrationem, in sequentibus nostrorum librorum de scientia animalium erit manifestum.