32. In Translatione s. Froilani.

In 1. Vesperis.
Super Psalmos.

A. Ad honorem

patris sanctissimi
Froilani

coetus catholici
Novi sonent

melodos cantici
Collaetantes

tanto pontifici,
Quem laudantes

laude multiplici
Plaudant simul

fideles subditi.

Ad Magnificat.

A O quanto desiderio
Froilanum sanctissimum
Exsultans colit Legio
Ut patronum piissimum,
Benedicti religio
Hunc florem profert optimum,
Quem Deus privilegio
Cunctorum dotat praesulum.

Ad Matutinum.

Invitatorium.

Adsunt Froilani solemnia,
Sancta mater jubilet ecclesia.

In 1. Nocturno.

Antiphonae.

1. Natus in suburbio
Luci disciplinam
Amplexatur praecavens
mortalem ruinam.

2. Concupivit eremum
forma juventutis,
Ut possit officium
complere salutis.

3. Prunas cultor Domini
continet in ore,
Sunt illaesa labia
et sine dolore.

Responsoria.

1. Devergente

jam solis radio

Froilani

prodit devotio,
Fit devota

cordis oratio,
V. Noctis atrae

fit in initio
Claritatis

refulgens visio.
2. Benedicti

professus regulam
Mentem habet

in Christo sedulam,
Carni dedit

doctrinae fcrulam
V. Monachali

vivens sub tegmine
Mundum replet

divino semine.
3. Constitutus

in pueritia
Detestatur

mundi solatia
Et procedit

ad montis invia ;
V. Per hunc quot pro-
mantur eulogia,
Devotarum

sunt verba nuntia.

In 2, Nocturno.

Antiplionae.

1. Froilanus prospicit
vitae brevitatem
Et affectat jugiter
coeli claritatem.

2. Varias vir obtinet
columbas colore,
Quae de coeli volitant,
concludit in ore.

3. Mox columba rubea
subintrans exurit,
Sed demulcet leniter
alba, quae cucurrit.

Responsoria.
1. Incombusti

divina gratia

Designantur

ista magnalia,
Quod purgentur

ejus eloquia;
Servi Dei

clarent insignia,
Summopere

gentis officia
V. Clamant cunctis

ejus eulogia,
Quod adspircnt

ad coeli gaudia.
2. Aedificat

triplex coenobium
Post recessum

a celsis montium,
Ordo, sexus,

aetas, officium,
Omnes currunt

ad monasterium ;
V. Hinc undecim

centena militum
Fecit sanctum

habentes spiritum.
3. Sancti patris

nos juvent merita,
Cujus gesta

laudamus inclita,
Ut ipsius

juvemur precibus
Et coelorum

jungamur civibus ;
V. Per hunc vita

praesenti transita
Nobis detur

corona perdita.

In 3. Nocturno.
Antiphonae.

1. Patiens et humilis
innocenter vixit,
Diem sui obitus
et horam praedixit.
2. Spiritus edocuit

hunc ut Jeremiam,
Ut futura nosceret,
clare dedit viam.

3. Pie pastor

sanctae memoriae,
Foilane,

vas plenum gratiae,
Memor esto

tuorum memorum,
Ne suorum

mole facinorum
Comprimantur

poenae miseria.

Responsoria.
1. Exaltatur

lucerna splendida,
Per quam Christi

fit domus lucida,
Ut attendat

lumen mens timida.
V. Felix pater

per vitae merita
Cunctos trahit
a mundi semita.

2. Urbs non latet

in monte posita,
Nec lucerna

lucet abscondita ;
Dum divertit

ad montis abdita,
Per confines

fit fama publica.
V. Lux refulget

in nocte lubrica,
Fragrat odor

vincens aromata.

8. Opem nobis

benigne porrige,
Rege stantes,

jacentes erige,
Mores, actus

et vitam corrige
Et in pacis

nos viam dirige ;
V. Tu directus

coelesti remige
A procella

mundi nos protege.

In Laudibus.

Antiphonae.

1. In amore jugiter
fervens trinitatis
Fundat et constituit
loca pietatis.

2. Contemplatur jugiter
veram disciplinam,
Horret famam saeculi,
ne ducat ruinam.
3. De salute populi

plenam gerens curam
Cladem pestilentiae
indicit futuram.
4. Invitus assumitur
ad pontificatum,
Licet se in pluribus
diceret accusatum.

5. Subditos edocuit
sanctis inhaerere,
Normam sui ordinis
firmiter tenere.

Ad Benedictus.

A. O lumen spectabilc,

Fulgens claritate,
Exemplum notabile

Christi caritate,
Tu vas admirabile,

Plenum sanctitate,
Fac cor nostrum stabile

Pura veritate.

In 2. Vesperis.
Ad Magnificat.

A. Salve, sancte

praesul ecclesiae,
Vitae norma,

via prudentiae,
Audi preces

devotas hodie,
Per te nobis

sit locus veniac,
Ne nos premat

rigor sententiae.