33. In Translatione s. Anastasiae.

1. Verbum salutis
Missam de caelis
Transit ad gentes,
Illustrans mentes
Alma doctrina.

2 a. Spreverunt verba regis
Alumni priscae legis;
Sic micas colligunt gentes
Panem caelestem edentes
Sed in gratia.

2 b. Hinc multi prelum calcantes,
Christum passum imitantes,
Vina fundunt rubentia,
Quae habent magna merita
In Anastasia.

3 a. Hanc natam claro stemmate
Sequuntur divitiae, quae
Sunt de nobili prosapia,

3 a. Quas dispensans carceratis
Pro dono aeternitatis
Felicitate perpetua,

4 a. Oblectamina mundana
Iudicans omnia vana
Confusionis triclinia

4 b. Ante se misit habita
Ut Ierusalem filia

In aeterna tabernacula.

5 a. A Chrysogono

bene erudita et in
Christo illuminata est
Anastasia ;

5 b. Alimoniis

et consolationibus
in vinculis fovebatur
[lle] ab ea.

6 a. Ad Gradatas Aquas
calicem passionis
bibens miles Christi
in perseverantia

6 b. Maxima pro Christo
afflictione carceris
includitur beata
Anastasia.

7 a. Ibi aethereis dapibus
per dies plus triginta
pascebatur
in magnificentia.

7 b. Post haec navi pertusa iussit
iudex eam cum multis
dimersari ;
sed evasit illaesa.

8 a. Deinde insulas

attingens Palmarias
haec christianissima
gaudio plena,

8 b. Ibique suscipitur
a multis religiosis
exsiliatis
cum laetitia.

9 a. Ascensum purpureum in
ferculo regis
scandens ornata

9 b. Induitur feliciter
cocco bis tincto
illuminata.

10 a. Demum horribiliter
igni concremata,
hostia Christi
exsistens immaculata,

10 b. Immortalitatis stola
vere induta
in caelis gaudet
coronata per saecula.

11 a. O martyr Anastasia,

Sis nobis nunc propitia

11 b. Et. Christo, nostra crimina
Ut solvat, semper commenda.