34. De sanctis Angelis.

1 a. Super mentem exsultemus
Et sanctorum celebremus
Angelorum gloriam,

1 b. Qui cum Deo conversantur
Et praeclare contemplantur
Eius sapientiam.

2 a. In ter trina ierarchia
Dulcis sonat harmonia,
Laus superlaudabilis,

2 b. Spargens aestus et fulgores.

Suos replet laudatores

Lux inaccessibilis.

3 a. Extendunt fulgidas
Intelligentias

In veram pulchritudinem

3 b. Et superfervidas
Concupiscentias

In divinam dulcedinem.

4 a. Eeruntur fortiter
Et uniformiter

In boni plenitudinem,

4 b. Amant communiter
Et singulariter

Totum desiderabilem.

5 a. Ferunt insignia
Fontalis radii,
Velant vestigia
Conscensus invii,

5 b. Cum per deificam
Beatitudinem
Intrant lucificam
Dei caliginem.

6 a. Daemonum iam noverit
Turba turbulenta,
Quam lucem perdiderit
Cadens in tormenta.

6 b. Ferox turba feriat

Ducem seducentem,

Dux in turbam saeviat

Non dissuadentem.

7 a. Omnes damna lugeant
Ducis tenebrosi,
Strideant et ardeant
Sibimet exosi.

7 b. Cessent nos impetere
Non a nobis laesi,
Discant se confodere
Caedentes et caesi.

8 a. Angelos, archangelos
atque principatus
Infimus caelestium
continet ornatus.

8 b. Potestates, virtutes,
dominationes
Ierarchiae mediae
tenent mansiones.

8 c. Thronos vero, Cherubim,
Seraphim beata
Ierarchia continet
ceteris praelata.

9 a. Spiritus angelici,
Ordines ierarchici
nobis praesidentes,

9 b. Nos ab infernalibus
Protegant spiritubus
Singulos monentes.

10 a. Qui nobis invident,
-Sunt invisibiles

Et nunquam dormiunt;

10 b. Qui nobis provident,
Iugiter vigiles

Cuncta prospiciunt.

11 a. Horum operatio

Triplex est purgatio

11 b. Et illuminatio

Ternaque perfectio.

12 a. His operationibus

Impenditur mortalibus
Caelestium communio,

12 b. Dum candidam munditiam
Et fulgidam iustitiam
Deo iungit perfectio.

13 a. Ordo archangelicus
Angelis lucidius,

His et illis principatus
In divinum dant ducatus.

13 b. Potestates subditos
Ordinant venuste,
Virtutes excipiunt
Radios robuste.

14 a. Imperant sublimiter
dominationes,
Throni patent deicas
ad susceptiones.

14 b. Perspicax cherubicus
ordo contemplairu
Flammiger seraphieus
sponsum amplexatur.

15 a. Omnes supersimplici
Luce perfunduntur,

15 b. Sed ipsam multiplici
Gradu potiuntur.

16 a. Virtute ple-
ni virtutifica,

16 b. Ordinati

lege ierarchica,

17 a. In divinum singuli

ducunt et ducuntur.

17 b. Infra se dispositis

omnes praeferuntur,

18 a. Et, quidquid luminis
habet inferior,

18 b. Idem perfectius
habet superior.

19 a. Munimur per omnium
vigilem tutelam

19 b. Contra mundi, daemonis,
carnis corruptelam.

20 a. Coetus fidelium
Laudes caelestium
Psallant hilariter

20 b. Et vires hostium
Per hoc praesidium
Conculcent fortiter.

21 a. Subactis hostibus
Accensis mentibus
Vi caelnm rapiant

21 b. Et per ierarchicos
Ritus angelicos
Cursus arripiant.

22 a. Transscendant vigiles
Et sponsum adeant,

22 b. Manus non fragiles
Inventum teneant.

23 a. Intrent Mosaicam
Dei caliginem,

23 b. Uniti deicam

Ad plenitudinem.

24 a. Fruantur osculo,

Dum sunt sub speculo,

24 b. Beatae nuptiae
Fiant sub specie.