34. De Stigmatilms s. Francisci.

In 1. V esperis.
Antiphonae.

1. Franciscus potu satius
Jesu torrentis crucis
Jesuque plagis saucius
Meretur decus ducis.
2. Francisci carne praevia
Splendore honestatis
Miranda mirabilia
Rex fecit pietatis.
3. Franciscus per insignia

Vera Christi, quae gerit,
Aeterna in memoria
Mundo famosus erit.
4. Franciscum Deus humilem
Respexit perclementer
Ipsumque fecit nobilem
In signis eminenter.
5. Franciscus benedicitur
Cunctis natis in isto,
Dum similis efficitur
In plagis vere Christo.

Ad Magnificat.

A. Francisce, cognatio

Jesu, quem praediligis,
Te percelsa gratia
Prae cunctis honorat,
Qui toto dum studio
Cor in eum dirigis,
Te plaga quinaria
Clementer coronat.

Ad Matutinum.
Invitatorium.

Francisci in praeconio

Jesus magnificetur,
Plagarum privilegio

Per quem dignus habetur.

In 1. Nocturno.

Antiphonae.

1. Francisci Jesu passio
Quod fuit voluntate,
Probatur procul dubio
Plagarum veritate.

2. Francisci contra stigmata
Jam nullus meditetur,
Nam Christi sunt charismata,
Hoc Roma profitetur.

3. Francisci Jesus gloria
Hunc nimis exaltavit,
Cum stigmatum insignia
Ei pia donavit.

Responsoria.
1. Franciscus, vir angelicus,
Angelos venerari
Studet et mente coelicus
Vult carnem macerari,
Jam servus Christi publicus
In Christo vult laetari.
V. Huic totus mundus fellicus.
Huic solus Jesus mellicus,
Hnnc studet contemplari.

2. Franciscus facta singula
Jesu dum meditatur,
Ipsius mente sedula

Passionem scrutatur,
Crux ejus cordi fercula,
In quibus delectatur ;
V. Crux illi vitae regula,
Crux ejus cordi cellula,
In cruce gloriatur.

3. Franciscus Jesu studuit
Se factis conformare
Seque morti exposuit

Pro ipso ultra mare,
Clemens Jesus disposuit
Hunc sibi similare ;
V. Crux illi crebro claruit,
Crucifixus apparuit,
Hoc volens praesignare.

In 2. Nocturno.

Antiphonae.

1. Franciscum suum famulum
Jesus mirificavit
Super sanctorum populum,
Dum hunc stigmatizavit.

2. Franciscus mane adstitit
Jesu monte Alvernae,
Jesus eidem praestitit
Dona laudis aeternae.

3. Franciscus admirabile
Jesu nomen pzaeclaret,
Cum signum Jesu nobile
Francisci carne paret.

Responsoria.

1. Franciscus dum ardoribus
Seraphicis flagraret
Et pro Jesu doloribus
Valenter suspiraret,
Jesus extensis manibus
Ut in cruce apparet,
V. Alis tectus Seraphicis
Decoris et splendiferis
Omnique labe caret.

2. Franciscus ex praesentia
Confixi redemptoris
Perfunditur laetitia,
Juxta rore doloris
Et recipit incendia
Summi Jesu amoris,
V. Ex Seraph influentia
Et membris refulgentia
Francisci fit honoris.

3. Franciscus, ex quo visio
Disparuit praedicta,
Glorioso quinario

Remansit carne picta,
Haec mira diva pictio
Non infacta vel ficta;
V. Pes, manus, latus lilio
Florescunt mirifario,
Caro fulget afflicta.

In 3. Nocturno.

Antiphonae.

1. Francisci tunc refloruit
Stupore caro plena,
Cum Jesu dante claruit
Per stigmata serena.

2. Francisci planctum dulciter
In gaudium vertisti,
Jesu, dum quinquiformiter
Carnis saccum scidisti.

3. Francisci cor transfigitur
Sagittis amorosis,
Transfixio praetenditur
Carne plagis decoris.

Responsoria.

1. Franciscus sacra stigmata
Dum voluit latere,
Is, cujus sunt, per climata
Mundi vult haec patere,
Francisci per haec dogmata
Culmen potest clarere ;
V. Micant amoris caumata,
Clarescunt epigrammata
Morum Francisci vere.

2. Francisci per insignia
Tempestas evanescit,
Curantur animalia,

Chirotheca stupescit,
Quavis pressus languentia
Oppressus convalescit ;
V. Visu, tactu, patentia
Per facta mirabilia
Haec veritas clarescit.

In Laudibus.

Antiphonae.

1. Francisci sanctitudinem
Gratiose decebat,
Christi Jesu imaginem
Quod vere praetendebat.

2. Francisci mira vulnera

Non hic sed Christus fecit,
Amore suo viscera
Francisci qui perfecit.

3. Franciscus mane vigilat

Ad Jesum contemplandum,
Quem contemplando rutilat
Per signum venerandum.

4. Franciscus Deo jubilat
Amoris in fornace,
Jesus quem sibi similat
Effigie verace.
5. Franciscus florens laudibus
Devotis redemptoris
Ejus fulget stigmatibus,
Quod fecit vis amoris.

Ad Benedictus.
A. Franciscus, pater pauperum,
Decus obedientiae,
Celsissimi propheta,
Christi crucis et vulnerum
Insignitur effigie,

Crucis probus athleta.

In 2. Vesperis.

Ad Magnificat.

A. Francisce, Christi signifer,
Clementi artificio
Jesu, quem dilexisti,
Des crucis vota, crucifer,
Tam praeclaro martyrio
Qui dignus exstitisti.