35. De s. Angelo Custode.

1 a. Angele, qui meus es

custos pietate superna,
Me tibi commissum

serva, defende, guberna.

1 b. Terge meam mentem

vitiis et labe veterna
Assiduusque comes

mihi sis vitaeque lucerna.

2 a. Angele, fide comes,

sapiens, venerande, be-
nigne,
Me movet et turbat

mortis formido malignae,

2 b. Saepe quidem merui

poenas et tartara digne ;
Sed succurre mihi

baratri ne mergar in igne.

3 a. Angele, confiteor,

quia saepe fidem violavi
Spirituisque malis

numeroso crimine favi,

3 b. Et praecepta Dei

non, sicut oportet, amavi,
Proh dolor, et Christum
prave vivendo negavi.

4 a. Angele, quando meos

actus per singula tango
Meque reum mortis

video, pro crimine plango ;

4 b. Ora rigo lacrimis,

mentem cruciatibus ango ;
His me solve malis,
tibi laudes votaque pango.

5 a. Angele, me iugi

solvat tua cura rogatu,
Ne pro multimodo

peream damnerque reatu.

5 b. Me de terribili

liberet Christus cruciatu,
Dignus ut angelico
possim fieri comitatu.