35. De sancto Gabriele.

In 1. Vesperis.
Super Psalmos.

A. Qui carnem vestis,

ut dones gaudia maestis,
Et nos informas,

Gabrielem laudibus ornas,
Da nobis, Christe,

jam saeclum spernere triste
Et sursum caelis

nos suscipe, rex Gabrielis.

R. O Gabriel

Dignus es honorari,
Tractasti El
Maria incarnari,

Quos mortis fel

Habuit, dulcorari,
Et Israel

Gaudet coelo locari.
V. Ergo fac mel

coeleste nobis dari,
Quod Michael

et sancti gustant cari.

Ad Magnificat.
O Gabriel epicbaris,
Archangelus fons jubaris,

Quem Deus exaltavit,
Dum per te, non per alium,
Suum dilectum filium

Mariae nuntiavit ;

Fac stans ante Dominum,
Ut sarcinam peccaminum,
Quae diu nos gravavit,
Luat, qui nos creavit.

Ad Matutinum.
Invitatorinm.
Adoremus humiliter

Regem archangelorum,
Cum quo vivit feliciter

Gabriel, lux sanctorum.

In 1. Nocturno.
Antiphonae.
1. Gabriel privilegium

Prae creaturis omnibus
Habet pandendo filium
Dei Mariae auribus.
2. Nunquam fuit nec fuerit
In mundo nec in caelis,
Per quem virgo conceperit
In verbis Gabrielis.
3. Ergo, Gabriel, carius

Precamur, ut obsequium
Sumas nostrum laetantius
Et sis nobis praesidium.

Resportsoria.
Gratulanter

Dei ecclesia
Gabrielis

agat solemnia,
Deferentis

Mariae nuntia

Nobis salubria.
V. Hic ingens nuntius
De coelis grandius
Adduxit sanctius

Pro nobis gaudia.
2. Tu es lux et signaculum

Et Dei instrumentum,
Nostrum pia piaculum

Per tuum interventum,
Ad coeli tabernaculum

Nos ducas et proventum,
V. Sis nobis adminiculum,
Gabriel, in periculum

Satan ad temptamentum.

3. Plaudat fidelis concio
Cognoscens beneficia
Gabrielis obsequio
Nobis provenientia
A divina clementia ;
V. Danielem hic imbuit
Visionum scientia,
De Johanne praedocuit
Et de Christo magnalia.

In 2. Nocturno.
Antiphonae.

1. Gabrielem, quem trinitas
Pro nobis misit nuntium
In orbem, nostra caritas
Extollat fundens gaudium.
2. Lux Gabriel purissima,

Claras fac nostras mentes
Tua prece sanctissima,
Ut sint Deum videntes.
3. Solemnizemus hodie

Diem sanctam et piam,
Gabrielem rex gloriae
Qua misit ad Mariam.

Responsoria.

1. Hierusalem

per hunc subversio
Danieli

futura patuit,
Et feras, quas

vidit in somnio,
Quosdam reges

esse disseruit,
Antichristum

sua narratio

Minime tacuit ;
V. Occidendum

Christum veraciter,
Desolandum

templum totaliter

Gabriel posuit.

2. Commendemus
cordis laetitia
Gabrielem

divinum nuntium,

Ipse tulit

nobis exennia,
Quae nunquam quis

attulit nuntium,
Assequimur

coelicum gaudium;
V. Hoc dolet furia

inferni tristius,
Hoc congaudet

coel estis plenius,
Talem decet

laus et obsequium.

3. O quam gaudet in gloria
Gabriel, plenus gaudio,
Confirmatus in gratia,
Nullo turbatus taedio;
Fructum gustat eximium,
Quem virgo tulit gremio,
Semper carentem vitio.

V. Hic ditavit

regnum coelestium,
Dum tractavit

tantum consortium.

In 3. Nocturno.

Antiphonae.

1. Per gratiam, sol gratiae,
Gabriel, lue faeces
Nostrae mentis plenarie
Et audi nostras preces.

2. Tu es stella Incendor,
Gabriel, fixa sursum,
Tu es Deo propinquior,
Dirige nostrum cursum.

3. Flos Gabriel eximie,
Perornans paradisum,
Odorem da fragrantiae,
Hostem fuga invisum.

Eesponsoria.

1. Gabriel dignis laudibus
Mariam salutavit
Et pro nostris sceleribus
Delendis nuntiavit

Eidem, plenae moribus,
Dominum, peraroavit,
Cui mox ipsa favit:
V. Ecce, dicit,

ancilla Domini,

Ita fiat,

ut placet numini,
Et os tuum narravit.

2. Beati sunt,

qui cessant linquere
Et nituntur

in Christo vivere,
Pro his misit

Deus ab aethere
Gabrielem,

puellam jungere
Suo nato

sub sancto foedere;
V. In Nazareth

salutat virginem,
Evae mutans

amaritudinem
In dulcorem

divino opere.

3. Cantet, laudet

agmen fidelium
Sancti festum

cum pleno gaudio
Gabrielis,

civis coelestium,
Qui fidelis

exsultat bravio;
V. Nitet, videt

divinum filium,
Virum mirum,

vitam credentium,
Qui nos salvat

ex posse proprio.

In Laudibus.

Antiphonae.

1. O lumen indeficiens,
Gabriel, tuo lumine
Tenebras sis ejiciens,
Quae nos gravant peceamine.

2. Templum tu regis gloriae,
Gabriel, semper purum,
Contra ausus discordiae
Pro notis te da murum.
3. Archangele, quo trinitas,
Gabriel, declaratur,
Roga, quod sua pietas
Nostri misereatur.
4. Nos decet totis nisibus
Gabrielem laudare,
Ut nobis suis precibus
Velit Deum placare.
5. Tu, Gabriel, a gladio
Nos serva proditoris
Et fac, ut tecum gaudio
Fruamur salvatoris.

Ad Benedictus,

A. O quam gaudet feliciter
Gabriel et sublimiter,

Cum videt exaltatos
Mariam matrem virginem
Et Deum factum hominem

Supra cunctos salvatos,
Exstitit quorum nuntius,
Complens commissa plenius:

His nos reddat beatos

Et in pace fundatos.

Ad Horas Antiphonae.
Ad Primam.

O creatura stabilis,

Qui nunquam deliquisti,

Gabriel admirabilis,
Nos mundo serva tristi.

Ad Tertiam.

O Gabriel, eximie

Mariae nuntiator,
In hac valle miseriae

Sis nobis consolator.

Ad Sextam.

Infestant nos hostilia
Gabriel bella multum,

Defende nos ex gratia
Et duc ad Dei vultum.

Ad Nonam,

O quam est beatissimus
Gabriel, princeps magnus,

Quem pascit suavissimus
In coelo Dei agnus.

In 2. Vesperis.

R. Festivemus

nunc diem gaudii,
Qua Gabriel

dixit ad virginem:
Mater fies

Domini filii
Et paries

Deum et hominem,
Nullam perdens

integritudinem;
V. Ejus nomen

Jesus vocabitur,
Ejus semper

regnum firmabitur,
Plebi dabit

beatitudinem.

Ad Magnificat.

A. O dulcis creatura,

Gabriel, te ornatur

Pardisns, lux pura,
Et in te gloriatur

Salvator incarnatus,
Quem tu denuntiasti,

Coelique potentatus
Et quam tu salutasti
Virgo et informasti;
Fac jungamur his casti.