38. De sancto Georgio.

In 1. Vesperis.

Super Psalmos.

A. Attollat populus

solemnia martyris hujus,
Quem virtute Deus
cinxit in orbe pius.

Ad Nocturnum.
Antiphonae.
1. Gloria, laus et honor

tibi sit, benedicte redemptor,
Qui famulis tribuis
coelica regna tuis.

2. In quibus est rutilus

quasi stella Georgius almus,
Qui pro martyrio
te canit in jubilo.

3. Despiciens mundum

felix sedet arte polorum
Atque sacris meritis
splendet ubique suis.

Responsoria.

1. Sacra dies instat,

quam rite Georgius ornat,
Qua subiit coelos

pro Christo sanguine fuso,
V. Felix collegio

jungitur angelico.

2. Martyrii palmae

creverunt multiplicatac,
Sub Daciano

pariterque Maximiano.
V. Orbem complevit

sacra seges Domini.

In Laudibus.

Antiphonae.

1. Impia sacrilegi

qui sprevit jussa tyranni,
Solveret ut vanis
liba nefanda diis.

2. Christi miles judicis

deridens vana jubentis,
Praecipit ore tonans,
quo simulacra ruant.

3. Martyris imperio

gentilis decidit error,
Aureus atque deus
fit cinis exiguus.

4. Post caesus gladio

sociatur in aethere Christo,
Quem laudat gaudens
laurea sancta gerens.

Ad Benedictus.

A. Ore micans meritis,

martyr venerande Georgi,
Condescende tuis

peccati mole gravatis
Suffragiisque tuis

nos socia superis.

In 2. Vesperis.
Ad Magnificat.

A. Civibus en caeli

sociatus, sancte Georgi,
Respice nos omnes

tua splendida festa colentes
Facque carere malis

atque nitere bonis.