39. De sancta Anna.

1. Congaudent angelorum chori
Iesu Christi aviae,

2 a. Quae mundi dominam,
Domini matrem,
genuit.

2 b. Filias tres sancta
Anna praeclaras
habuit.

3 a. Nam Anna

laetatur in caelis,

iam conspicatur nepotem ;

3b. In terris

vivens Anna omnibus
exempla sancta praebuit.

4 a. Quam celebris
in caelis avia
Iesu Anna creditur!

4 b. Laudant Annam
beatam angeli,
ecclesiae filii.

5 a. Qua gloria

in caelis sancta Anna

colitur !

Quae dominam caeli

genuit et aluit

dulci lacte sui pectoris.

5 b. Quam splendida

sedes sanctae Aunae

rutilat !

Rex omnium, Christus,

aviam, ecce, suam

in dextera sua collocat.

6 a. Te, Anna beata,
haec plebecula
piis celebrat mentibus.

6 b. Te cantu melodo,
beata Anna,
in caelis angeli collaudant.

7 a. Te cantus supplex
collaudat devotorum
fletusque pulsat
gementium,
consolatrix Anna
et adiutrix omnium ;

7 b. Te plebis sexus
uterque veneratur,
te omnis maestus
deprecatur ;
O beata Anna,
pro nobis Iesum ora.

8 a. Ecclesia
ergo cuncta
te cordibus
teque carminibus
veneratur.

8 b. Tibi suam
manifestat
devotionem,
beata atque sancta
O Iesu avia.

9. Da nobis auxilium,
post hoc exsilium,
Anna,
duc nos ad gaudium.